شىعىس قازاقستان، پاۆلودار، اقمولا وبلىستارى مەن استانا قالاسىندا جىلۋ بەرۋ ماۋسىمى باستالىپ تا كەتتى.
ال بۇگىن، 1 قازاننان باستاپ جىلىتۋ ماۋسىمى اباي، اقتوبە جانە قاراعاندى وبلىستارىندا باستالدى، دەپ حابارلايدى aqshamnews.kz ەنەرگەتيكا مينيسترلىگىنە سىلتەمە جاساپ.
قازاقستاننىڭ ءبىرىڭعاي ەلەكتر ەنەرگەتيكالىق جۇيەسى رەسەي فەدەراسياسىنىڭ جانە ورتالىق ازيا ەلدەرىنىڭ ەنەرگەتيكالىق جۇيەلەرىمەن قاتارلاس جۇمىسىن جالعاستىرا وتىرىپ، قالىپتى رەجيمدە جۇمىس ىستەيدى.
2024 جىلعا بەكىتىلگەن جوندەۋ كەستەسى اياسىندا 10 ەنەرگوبلوكتا،
55 قازاندىقتا جانە 45 تۋربينادا كۇردەلى جۇمىستار جوسپارلانعان. قازىرگى تاڭدا 4 ەنەرگوبلوكتا، 22 قازاندىقتا جانە 16 تۋربينادا جوندەۋ جۇمىستارى جۇرگىزىلسە، 5 ەنەرگوبلوكتىڭ، 32 قازاندىقتىڭ جانە
28 تۋربينانىڭ جوندەۋ جۇمىستارى اياقتالدى.
بارلىق ەلەكتر ستانسيالارى جىلىتۋ ماۋسىمىنىڭ باستالۋىنا دايىن، نەگىزگى جابدىقتارمەن، سونىڭ ىشىندە قازاندىقتارمەن جانە تۋربينالارمەن قامتاماسىز ەتىلگەن. 2024 جىلى اەك-تىڭ (ەلەكتر جەلىلەرىن تاراتۋ كومپانيالارىنىڭ) ەلەكتر جەلىلەرىندە 20،8 مىڭ كم ەلەكتر بەرۋ جەلىلەرىن، 422 قوسالقى ستانسيانى جانە 4054 تاراتۋ پۋنكتتەرى مەن ترانسفورماتورلىق قوسالقى ستانسيالاردى جوندەۋ كوزدەلگەن. ءقازىردىڭ وزىندە 19،9 مىڭ كم ەلەكتر جەلىلەرى،
376 قوسالقى ستانسيا جانە 4046 تاراتۋ پۋنكتى مەن ترانسفورماتورلىق قوسالقى ستانسيالار جوندەلدى.
جىلۋمەن قامتۋ سالاسىندا 2024 جىلى 546 كم جىلۋ جەلىلەرىن كۇردەلى جوندەۋ جانە جاڭعىرتۋ جوسپارلانعان. قازىرگى ۋاقىتتا 516،3 كم جىلۋ جەلىلەرى جوندەلدى، بۇل جىلدىق جوسپاردىڭ 94،6% قۇرايدى.
ەنەرگيا كوزدەرىنىڭ قويمالارىنداعى وتىن قورى 5،2 ملن توننا كومىر مەن 89 مىڭ توننا مازۋتتى قۇرايدى، بۇل جىلىتۋ ماۋسىمىنىڭ تۇراقتى ءوتۋىن قامتاماسىز ەتۋگە مۇمكىندىك بەرەدى.
ق ر ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ جانە باقىلاۋ كوميتەتى ەنەرگيا ءوندىرۋشى جانە ەنەرگيا بەرۋشى ۇيىمداردىڭ، ق ر ونەركاسىپ جانە قۇرىلىس مينيسترلىگىنىڭ، جەرگىلىكتى اتقارۋشى ورگانداردىڭ جانە «قازاقستان تەمىر جولى» ۇك» اق-نىڭ قاتىسۋىمەن تۇراقتى سەلەكتورلىق كەڭەستەر وتكىزىلەدى.
2024 جىلعى 11 قىركۇيەكتە كەزەكتى كەڭەس وتكىزىلدى، ونىڭ قورىتىندىسى بويىنشا جوندەۋ جۇمىستارىن ۋاقىتىلى اياقتاۋ، وتىننىڭ نورماتيۆتىك قورىن ساقتاۋ جانە ەنەرگەتيكالىق جابدىقتاردى پايدالانۋدى باقىلاۋدى كۇشەيتۋ جونىندە تاپسىرمالار بەرىلدى.
سونىمەن قاتار الداعى جىلىتۋ ماۋسىمىنا دايىندىق بارىسى
2024 جىلعى 20 تامىزداعى ۇكىمەت وتىرىسىندا تالقىلاندى. بارلىق پروبلەمالىق ماسەلەلەر بويىنشا ءتيىستى شەشىمدەر قابىلداندى.