ق ر تۋريزم جانە سپورت ءمينيسترى ەربول مىرزابوسىنوۆ ەلوردادا يران يسلام رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ءالي اكبار دجوۋكار مىرزامەن كەزدەستى، دەپ حابارلايدى aqshamnews.kz.
كەزدەسۋ بارىسىندا تاراپتار تۋريزم جانە سپورت سالاسىنداعى ەكىجاقتى ىنتىماقتاستىقتىڭ نەگىزگى ماسەلەلەرىن تالقىلادى. مينيستر ەكى ەل اراسىنداعى كوپ عاسىرلىق تاريحي بايلانىستارعا توقتالىپ، يران سپورتشىلارى ەل استاناسىندا ۇيىمداستىرىلعان 5ء-شى دۇنيەجۇزىلىك كوشپەندىلەر ويىندارىندا ءساتتى ونەر كورسەتكەنىن اتاپ ءوتتى. ەربول مىرزابوسىنوۆ بىرلەسكەن جوبالاردى جۇزەگە اسىرۋ ءۇشىن ىنتىماقتاستىقتىڭ ماڭىزىنا سەنىم ءبىلدىردى.
«يراننىڭ ساياحاتشىلارىن، تۋريستىك قاۋىمداستىق وكىلدەرىن ەلىمىزدىڭ باي مادەني جانە تاريحي مۇراسىمەن تانىسۋعا جانە تۋريستىك كورمەلەرگە قاتىسۋعا شاقىرامىز. سونداي-اق قازاقستان سپورت سالاسىنداعى بايلانىستاردى دامىتۋعا ەرەكشە ءمان بەرەدى. يراندىق سپورتشىلاردى ەلىمىزدە وتەتىن جارىستاردا كورۋگە قۋانىشتىمىز. اتالعان باعىتتار بويىنشا ىنتىماقتاستىقتى نىعايتۋعا دايىنبىز»، – دەدى ەربول مىرزابوسىنوۆ.
ءوز كەزەگىندە، ءالي اكبار دجوۋكار قازاقستان مەن يران اراسىنداعى قارىم-قاتىناستاردى ودان ءارى دامىتۋ ءۇشىن ۇلكەن الەۋەت بار ەكەنىن ايتىپ، يراننىڭ تۇركيا، وزبەكستان جانە تاجىكستانمەن ىنتىماقتاستىقتىڭ تابىستى تاجىريبەسىنە سۇيەنە وتىرىپ، قازاقستانداعى تۋريستىك اعىمدى ۇلعايتۋعا كومەكتەسۋگە دايىن ەكەنىن جەتكىزدى. سونىمەن قاتار ەلشى مىرزا مەديسينالىق ءتۋريزمدى قوسا العاندا، جاڭا تۋريستىك باعىتتاردى دامىتۋعا قىزىعۋشىلىق تانىتتى.