اسكەري-تەحنيكالىق ىنتىماقتاستىق،
استانادا قازاقستان رەسپۋبليكاسىنىڭ قورعانىس ءمينيسترى، گەنەرال-پولكوۆنيك رۋسلان جاقسىلىقوۆتىڭ ەلىمىزگە رەسمي ساپارمەن كەلگەن ءازىربايجان قورعانىس ءمينيسترى، گەنەرال-پولكوۆنيك زاكير گاسانوۆپەن كەزدەسۋى ءوتتى، دەپ حابارلايدى Almaty-akshamy.kz.
كەزدەسۋ ءوزارا تۇسىنىستىك پەن سىندارلى ديالوگ جاعدايىندا ءوتتى. تاراپتار ەكىجاقتى قاتىناستاردىڭ كەڭ اۋقىمى بويىنشا پىكىر الماسىپ، ىنتىماقتاستىقتى ودان ءارى جانداندىرۋ ماسەلەلەرىن تالقىلادى.
اتاپ ايتقاندا، قازاقستان مەن ءازىربايجاننىڭ اسكەري سالاداعى ەكىجاقتى ىنتىماقتاستىعىنىڭ قازىرگى جاي-كۇيىنىڭ اسپەكتىلەرى تالقىلاندى. اسكەري-تەحنيكالىق ىنتىماقتاستىق، جاۋىنگەرلىك دايارلىقتىڭ بىرلەسكەن ءىس-شارالارىن وتكىزۋ، كادر دايارلاۋ ماسەلەلەرى جان-جاقتى ءسوز بولدى. سونداي-اق ەكى ەل قورعانىس ۆەدومستۆولارىنىڭ ودان ءارى ءوزارا ءىس-قيمىلىنىڭ باسقا دا ماسەلەلەرى قارالدى.
– وتكەن اپتادا ءازىربايجان پرەزيدەنتى قازاقستانعا رەسمي ساپارمەن كەلىپ كەتتى. وندا ەكى ەلدىڭ كوشباسشىلارى ساياسي، ساۋدا-ەكونوميكالىق، كولىك-ترانزيتتىك جانە مادەني-گۋمانيتارلىق ىنتىماقتاستىقتى نىعايتۋعا ەرەكشە نازار اۋدارا وتىرىپ، ءقازاق-ازىربايجان ستراتەگيالىق ارىپتەستىگى مەن وداقتاستىعىنىڭ نەگىزگى ماسەلەلەرىن جان-جاقتى تالقىلادى. اسكەري سالادا دا ءتۇرلى باعىتتار بويىنشا ءوزارا ءىس-قيمىلدى دامىتۋدىڭ پەرسپەكتيۆالارى بار، – دەپ اتاپ ءوتتى گەنەرال-پولكوۆنيك رۋسلان جاقسىلىقوۆ.
جۇمىس ساپارى اياسىندا ءازىربايجاننىڭ اسكەري دەلەگاسياسى استاناداعى اسكەري كادرلاردى جوعارى وقۋ ورنىنان كەيىنگى دايارلاۋدى جۇزەگە اسىراتىن ۇلتتىق قورعانىس ۋنيۆەرسيتەتىندە بولدى.
باعدارلامادا ازەربايجان دەلەگاسياسىنىڭ الماتىداعى قۇرلىق اسكەرلەرى اسكەري ينستيتۋتىنا ساپارى كوزدەلگەن. وندا قوناقتار قازاقستاندىق كۋرسانتتاردىڭ وقۋ ۇدەرىسىمەن تانىسادى. اتاپ ايتقاندا، ولارعا بولاشاق وفيسەرلەردى اتىس دايىندىعىنا، جاۋىنگەرلىك ماشينالاردى جۇرگىزۋگە ساپالى وقىتۋعا ارنالعان ارنايى ترەناجەر كەشەندەرىنىڭ مۇمكىندىكتەرى كورسەتىلەدى.