الماتى وبلىسىنىڭ پوليسەيلەرى كامەلەتكە تولماعان قىز بالاعا قاتىستى سەكسۋالدىق سيپاتتاعى قىلمىس جاسادى دەگەن كۇدىككە ىلىنگەن ەر ادامدى ۇستادى، دەپ حابارلايدى Almaty-akshamy.kz.
ول ۋاقىتشا ۇستاۋ يزولياتورىنا توعىتىلدى.
13 ساۋىردە ۇيعىر اۋدانىنىڭ پوليسياسىنا قىزىنىڭ زورلانعانى جايىندا جەرگىلىكتى تۇرعىن ارىزدانعان بولاتىن. بۇل دەرەك ق ر قك 120-بابىنىڭ بەلگىلەرى بويىنشا تىركەلدى.
"اتالعان دەرەكتى تەكسەرۋ شەڭبەرىندە ءبىرقاتار سوت-مەديسينالىق ساراپتامالاردى تاعايىنداۋمەن بارلىق قاجەتتى تەرگەۋ ارەكەتتەرى جۇرگىزىلۋدە. سونداي-اق ءىستى دۇرىس شەشۋ ءۇشىن تاراپتاردىڭ دالەلدەرى جان-جاقتى، تولىق جانە وبەكتيۆتى دەڭگەيدە تەكسەرىلەتىن بولادى"، - دەلىنگەن حابارلامادا.
ق ر قىجك-نىڭ 201-بابىنا سايكەس، سونداي-اق تەرگەۋ مۇددەسىنە بايلانىستى وزگە اقپارات جاريا ەتۋگە جاتپايدى.