الماتىدا "جەتىسۋ" ساۋدا-لوگيستيكالىق كەشەنى ورتەنىپ جاتىر، دەپ حابارلايدى Almaty-akshamy.kz.
الماتى قالالىق تجد مالىمەتىنشە، 18 ساۋىردە ساعات 19:10-دا ءورت سوندىرۋشىلەر شاقىرتۋدىڭ جوعارى دارەجەسى بويىنشا اياعىنان تىك تۇرعىزىلىپ، وقيعا ورنىنا اتتاندى.
"وقيعا ورنىنا كەلىپ جەتكەن توتەنشەلىكتەر كونتەينەرلەردىڭ ءبىرى وتقا ورانعانىن انىقتادى. سۋ شاشۋ وقپاندارى ءورت گيدرانتىنا قوسىلىپ، ۇزدىكسىز سۋ بەرۋ قامتاماسىز ەتىلدى. وتتىڭ كورشى كونتەينەرلەرگە ۇلاسپاۋى ءۇشىن بار كۇش جۇمسالدى. ءورتتى ءسوندىرۋ بەينەباقىلاۋ جۇيەسى كامەرالارىنىڭ كومەگىمەن باقىلاندى"، - دەپ حابارلادى تجد.