ەريەۆاندا قازاقستان مەن ارمەنيا سىرتقىساياسي ۆەدومستۆولارىنىڭ وكىلدەرى ساياسي كونسۋلتاسيا وتكىزدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ەرمۇحامبەت قونىسپايەۆ پەن ارمەنيا رەسپۋبليكاسى سىرتقى ىستەر ءمينيسترىنىڭ ورىنباسارى مناساكان سافاريان ەكىجاقتى ىنتىماقتاستىقتىڭ، سونداي-اق حالىقارالىق ۇيىمدار شەڭبەرىندەگى ءوزارا ءىس-قيمىلدىڭ وزەكتى ماسەلەلەرى بويىنشا ساياسي كونسۋلتاسيالار وتكىزدى.
تاراپتار دوستىق پەن ءوزارا قۇرمەت رۋحىندا قازاقستان-ارميان قارىم-قاتىناستارىنىڭ ۇدەمەلى دامۋىن قاناعاتتانۋشىلىقپەن اتاپ ءوتتى. كەڭ اۋقىمدى ماسەلەلەر بويىنشا ىنتىماقتاستىقتى ودان ءارى ارتتىرۋ ءۇشىن ەلەۋلى رەزەرۆتەر بارىن ايتتى. وسىعان بايلانىستى ناقتى ساۋدا-ەكونوميكالىق جانە مادەني-گۋمانيتارلىق جوبالاردى ىسكە اسىرۋ ءۇشىن قوسىمشا كۇش-جىگەر جۇمساۋعا كەلىستى»، - دەلىنگەن مالىمەتتە.