«قازاقستان تەمىر جولى» ۇلتتىق كومپانياسى «قىزىلوردا-سەمەي» جولاۋشىلار پويىزى ۆاگونىنداعى ورتكە قاتىستى كوميسسيا قۇرىپ، تەكسەرۋدى باستادى، دەپ حابارلايدى Almaty-akshamy.kz Inform.kz-كە سىلتەمە جاساپ.
«2022 جىلعى 8 قازاندا ساعات 2:35-تە №22 «قىزىلوردا-سەمەي« جولاۋشىلار پويىزى ۆاگونىندا تۋىنداعان ورتكە بايلانىستى پويىز تۇلكىباس-تاراز ۋچاسكەسىندە شۇعىل ايالداما جاسادى. جولاۋشىلار اراسىندا قۇربان بولعاندار مەن زارداپ شەككەندەر جوق.
ۆاگوننىڭ بەس كۋپەسىن شارپىعان وت ءورت ءسوندىرۋ قىزمەتتەرى مەن پويىز بريگاداسى قىزمەتكەرلەرىنىڭ بىرلەسكەن جەدەل ارەكەتتەرىمەن ءسوندىرىلدى.
ۆاگوندا بولعان جولاۋشىلار پويىز قۇرامىنىڭ بوس ورىندارىنا ورنالاستىرىلدى. پويىز ساعات 6-دان 6 مينۋت وتكەندە جولعا شىقتى.
تەكسەرىس جۇرگىزۋ ءۇشىن «قتج« ۇك» اق-دا كوميسسيا قۇرىلدى»، - دەلىنگەن كومپانيا مالىمەتىندە.