ورتالىق سايلاۋ كوميسسياسى قاسىم-جومارت توقايەۆتىڭ پرەزيدەنتتىككە كانديداتۋراسىن تالاپتارعا ساي دەپ شەشتى. بۇل تۋرالى ق ر وسك حاتشىسى مۇحتار ەرمان كوميسسيانىڭ وتىرىسىندا ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
ءسوز باسىندا كوميسسيا حاتشىسى قاسىم-جومارت توايەۆتىڭ كانديداتۋراسىن ق ر پرەزيدەنتتىگىنە بىرنەشە ساياسي پارتيا مەن قوعامدىق ۇيىم ۇسىنعانىن ەسكە سالىپ، كوميسسيا قاراۋىنا اتالعان ۇمىتكەردىڭ اتىنان قانداي قۇجاتتار تاپسىرىلعانىن ءمالىم ەتتى.
«ق ر پرەزيدەنتتىگىنە كانديدات قاسىم-جومارت كەمەل ۇلى توقايەۆتىڭ ق ر كونستيتۋسياسىندا جانە ق ر سايلاۋ تۋرالى كونستيتۋسيالىق زاڭىندا وعان قويىلاتىن تالاپتارعا سايكەستىگىن انىقتاۋ تۋرالى حاتتاماعا قول قويىلدى. وسىلايشا ورتالىق سايلاۋ كوميسسياسى رەسپۋبليكا پرەزيدەنتتىگىنە كانديدات قاسىم جومارت توقايەۆتىڭ كونستيتۋسيادا جانە ق ر سايلاۋ تۋرالى كونستيتۋسيالىق زاڭدا وعان قويىلاتىن تالاپتارعا سايكەس ەكەندىگىن انىقتادى»، - دەدى مۇحتار ەرمان.
ايتا كەتەيىك، بۇگىن تاڭەرتەڭ ورتالىق سايلاۋ كوميسسياسىندا «امانات» كاسىپوداقتار دوستاستىعىنان پرەزيدەنت سايلاۋىنا ۇمىتكەر مەيرام قاجىكەننىڭ مەملەكەتتىك ءتىلدى مەڭگەرۋ دەڭگەيىن انىقتاۋ بويىنشا ەمتيحان باستالدى.