I حالىقارالىق TurkicSkills-2025 كاسىبي شەبەرلىك چەمپيوناتى ءوز مارەسىنە جەتتى.
قازاقستان قۇراماسى جارىستىڭ باستى جەڭىمپازى اتانىپ، تۇركى ەلدەرى اراسىندا تەحنيكالىق جانە كاسىپتىك مامان دايارلاۋدا كوشباسشى ەكەنىن دالەلدەدى، - دەپ حابارلايدى Aqshamnews.kz.
ەلىمىزدىڭ جۇلدە قورجىنى 6 التىن، 2 كۇمىس مەدال جانە 1 «ۇزدىك مەدالونمەن» تولىقتى. بۇل جەڭىس مەملەكەت باسشىسىنىڭ تاپسىرماسىنا سايكەس «جۇمىسشى ماماندىقتار جىلى» اياسىنداعى رەفورمالاردىڭ ناتيجەلى جۇزەگە اسىپ جاتقانىن ايعاقتايدى.
ەستەرىڭىزگە سالا كەتەيىك، 4-9 قازان ارالىعىندا اقتاۋ قالاسىندا جۇمىسشى ماماندىقتار جىلى اياسىندا وتكەن TurkicSkills-2025 چەمپيوناتىنا تۇركيا، ازەربايجان، ماجارستان، وزبەكستان، قىرعىزستان جانە قازاقستاننان 70-كە جۋىق كوللەدج ستۋدەنتتەرى مەن جاس مامان قاتىستى. ولار ينجەنەريا، اقپاراتتىق تەحنولوگيالار، ءوندىرىس، روبوتوتەحنيكا جانە قىزمەت كورسەتۋ سالالارىن قامتيتىن 10 قۇزىرەتتىلىك بويىنشا ب ا ق سىنادى.
جارىستىڭ جابىلۋ راسىمىندە ءسوز سويلەگەن ق ر وقۋ-اعارتۋ ۆيسە-مينيسترى اسىلبەك احمەتجانوۆ بۇل چەمپيوناتتىڭ تۇركىتىلدەس مەملەكەتتەردىڭ تەحنيكالىق جانە كاسىپتىك ءبىلىم بەرۋ ۇيىمدارىنىڭ اراسىندا قازاقستاننىڭ باستاماسىمەن العاش رەت اۋقىمدى تۇردە ۇيىمداستىرىلعانىن اتاپ ءوتتى.
«TurkicSkills چەمپيوناتى – تۇركىتىلدەس مەملەكەتتەر اراسىنداعى تەحنيكالىق جانە كاسىپتىك ۇيىمدار ىنتىماقتاستىعىنىڭ جاڭا كەزەڭىنە جول اشاتىن ماڭىزدى شارا. بۇل كۇندەر دوستىق پەن ءوزارا تۇسىنىستىكتىڭ، ىنتىماقتاستىق پەن تاجىريبە الماسۋدىڭ جارقىن ۇلگىسىنە اينالدى»، - دەپ اتاپ ءوتتى ۆيسە-مينيستر.
WorldSkills International كەڭەسىنىڭ مۇشەسى رەي ينگليش قازاقستاننىڭ حالىقارالىق دەڭگەيدەگى الەۋەتىن ەرەكشە اتاپ ءوتتى.
«چەمپيوناتىنىڭ اۋقىمى مەن ۇيىمداستىرىلۋ ساپاسى – قازاقستاننىڭ الەمدىك دەڭگەيدەگى كاسىبي شەبەرلىك سايىستارىن وتكىزۋگە تولىق دايىن ەكەنىن كورسەتەدى. بۇل تاجىريبە بولاشاقتا WorldSkills نەمەسە WorldSkills Europe سياقتى حالىقارالىق جارىستاردى قابىلداۋعا مۇمكىندىك بەرەدى»، – دەدى ول.
چەمپيوناتتى تاماشالاۋعا 5 مىڭنان استام ادام كەلدى، كوللەدجدەر مەن كاسىپورىندار اراسىندا 100-گە جۋىق ىنتىماقتاستىق مەموراندۋمى جاسالدى.