العاشقى 20 توننا مۇزداتىلعان شوشقا ەتى ەريەۆانعا ەكسپورتتالدى.
ەكسپورتتاۋشى – سولتۇستىك قازاقستاننىڭ EMC Agro كومپانياسى، دەپ حابارلايدى aqshamnews.kz
اشم حابارلاۋىنشا، بۇل كاسىپورىن ءۇشىن شەتەلدىك كاسىپكەرلەرمەن العاشقى ىنتىماقتاستىق تاجىريبەسى بولدى، سەبەبى بۇعان دەيىن ونىمدەرى تەك قازاقستاندا ساتىلىپ كەلگەن.
«ءبىز سونداي-اق شوشقا ەتىن گرۋزياعا ەكسپورتتاۋ تۋرالى كەلىسسوزدەر جۇرگىزدىك. جاقىن كۇندەرى بۇل ەلگە دە العاشقى 20 توننا ەت جىبەرىلەدى.
مۇنى قازاقستان ءۇشىن ۇلكەن جەتىستىك دەپ ايتۋعا بولادى، ويتكەنى ءبىز ءۇشىن بۇل نارىق ەندى عانا اشىلۋدا. ارمەنيا مەن گرۋزيا بىزدەن اي سايىن 400 توننا ەت ساتىپ الۋعا دايىن ەكەنىن ءبىلدىردى.
ايتا كەتۋ كەرەك، ءبىزدىڭ كاسىپورىن اي سايىن ەل ىشىندە 700-800 توننا شوشقا ەتىن ساتادى. سوندىقتان، ەگەر ءبىز وسى ەكى باعىتپەن ۇزاق مەرزىمدى ىنتىماقتاستىق ورناتساق، ءونىمىمىزدىڭ 50%-ى شەتەلگە جىبەرىلەدى»، - دەيدى كومپانيا وكىلدەرى.
جالپى، EMC Agro الەمدەگى ەڭ ءىرى شوشقا ەتى تۇتىنۋشىسى بولىپ تابىلاتىن قىتايمەن ىنتىماقتاستىقتى قاراستىرۋدا. بيىلعى جازدا جۇڭگو ەت قاۋىمداستىعىنىڭ وكىلدەرى EMC Agro ونەركاسىپ كەشەنىنە بارىپ، ءوندىرىستى تەكسەرگەننەن كەيىن، جىلىنا 20 مىڭ توننا شوشقا ەتىن يمپورتتاۋعا قىزىعۋشىلىق تانىتتى.
وسىعان بايلانىستى كومپانيا قحر-دىڭ باس كەدەن باسقارماسىنىڭ اۋىل شارۋاشىلىعى ونىمدەرىن جەتكىزۋشىلەر تىزىلىمىنە ەنۋ جۇمىستارىن جۇرگىزۋدە.
EMC Agro – قازاقستانداعى ەت وڭدەۋ كاسىپورىندارىنىڭ كوشباسشىسى. كومپانيا جوعارى ساپالى، ەكولوگيالىق تازا ءونىم وندىرۋگە جانە ونى تۇپكىلىكتى تۇتىنۋشىلارعا جەتكىزۋگە باعىتتالعان. ەت كومبيناتىنىڭ وندىرىستىك قۋاتى جىلىنا 20 000 توننا ەت جانە تاۋلىگىنە 30 توننا دايىن ءونىم شىعارۋعا مۇمكىندىك بەرەدى.