الماتىدا قۇرىلىس نىساندارىن ينسپەكسيالاۋدىڭ جاڭا ءتارتىبىن قابىلداۋ تۋرالى ءوز پىكىرىمەن قۇرىلىس، جەر قاتىناستارى، ۋربانيستيكا، ەنەرگەتيكا جانە سۋمەن جابدىقتاۋ جونىندەگى قوعامدىق كەڭەستىڭ مۇشەسى گۇلميرا بايعابۋلوۆا ءبولىستى، دەپ حابارلايدى aqshamnews.kz
«مەن ءۇشىنشى جىل بويى قۇرىلىس پروسەسىن باقىلاۋدى قايتارۋ قاجەتتىلىگى تۋرالى ايتىپ وتىرمىن، مەنىڭ ويىمشا، قۇرىلىس-مونتاج جۇمىستارىن ينسپەكسيالاۋ ەرەجەلەرى تولىققاندى مەملەكەتتىك باقىلاۋ العاشقى قادام بولىپ تابىلادى. بۇل قۇجاتتار ءبىزدىڭ قاۋىپسىزدىگىمىزگە تىكەلەي بايلانىستى. ينسپەكسيالاۋدىڭ ناقتى ەرەجەلەرى تۇرعىنداردى ساپاسىز جۇرگىزىلگەن جۇمىستاردان، ال ادال قۇرىلىس سالۋشىلاردى نەگىزسىز تالاپتاردان قورعاۋعا ءتيىس»، - دەپ ەسەپتەيدى ساراپشى.
ەستەرىڭىزگە سالا كەتەيىك، الماتى ءماسليحاتىنىڭ كەزەكتەن تىس XXVI سەسسياسىندا قۇرىلىس-مونتاج جۇمىستارىنىڭ تىرەك جانە (نەمەسە) قورشاۋ كونسترۋكسيالارىن تۇرعىزۋعا جانە رەكونسترۋكسيالاۋعا قويىلاتىن تالاپتارعا سايكەستىگىن ينسپەكسيالاۋ ءۇشىن قۇرىلىس وبەكتىلەرىنە بارۋ ءتارتىبى بەكىتىلدى.
قازىرگى ۋاقىتتا قۇقىقتىق اكت ادىلەت دەپارتامەنتىندە تىركەلۋدە.