FIBA 3ح3 باسكەتبولىنان الەمدىك تۋردىڭ كەزەكتى كەزەڭى 13-14 ماۋسىم كۇندەرى الماتى قالاسىنىڭ ورتالىعىنداعى رەسپۋبليكا سارايىندا وتەدى. باسكەتبولدان حالىقارالىق فەدەراسيانىڭ سپورتتىق كۇنتىزبەسىندەگى بەدەلدى شاراسىنا 12 باسكەتبول كومانداسى قاتىسادى. ونىڭ ەكەۋى قازاقستاندىق كوماندالار. 3ح3 باسكەتبولى 2010 جىلدان بەرى وليمپيادالىق سپورت تۇرىنە جاتادى، دەپ حابارلايدى اlmaty-akshamy.kz.
ءبىزدىڭ سپورتشىلار الەمدىك باسكەتبول تاريحىندا العاش رەت جوعارى دەڭگەيلى جارىستارعا قاتىسقالى وتىر. قازاقستان - World Tour دەڭگەيىندەگى ءتۋرنيردى وتكىزەتىن ورتالىق ازياداعى ءبىرىنشى ەل. الماتىعا 10 ەلدىڭ كوماندالارى كەلەدى. ونىڭ ىشىندە جۇڭگو، شۆەيساريا، پۋەرتو-ريكو، موڭعوليا، سەربيا، اۆستريا، ليتۆا جانە باسقا دا ەلدىڭ سپورتشىلارى بار.
«الماتى قالاسى ەكونوميكالىق وسىممەن قاتار، سپورتتى شارالار وتەتىن ايماق! وسى جىلى ەڭ بەدەلدى FIBA 3ح3 الەمدىك تۋر سايىستارىن وتكىزگەلى وتىر. جارىس رەسپۋبليكا سارايىنىڭ الدىنداعى الاڭدا وتەدى. وندا كورەرمەندەرگە ارنالعان مىنبەرلەرى، شاتىرى بار ارنايى كورت ورناتىلادى.
جارىستاردى كورۋ تەگىن. تەك ەرتەرەك كەلۋدى سۇرايمىز، سەبەبى مىنبەرلەردەگى ورىن سانى شەكتەۋلى. قازاقستان اتىنان ەكى كوماندا قاتىسادى. سوندىقتان، بارشاڭىزدى وتاندىق سپورتشىلاردى قولداۋعا شاقىرامىن! الماتى – رۋحى بيىك، ويى سەرگەك، سپورتقا قۇمار ادامدار قالاسى. اكىمدىك وسىنداي كەرەمەت باستامانى قولداپ جاتقانىنا قۋانىشتى»،-دەيدى الماتى قالاسى سپورت باسقارماسى باسشىسىنىڭ ورىنباسارى بەكجان ونجان.
3ح3 باسكەتبولى – بۇرىنعى ستريتبول – 1950 جىلدارى اقش-تىڭ كەدەي اۋداندارىندا پايدا بولعان باسكەتبول ءتۇرى. ادەتتەگى باسكەتبولدان ايىرماشىلىعى – ويىنعا 3 ادام عانا قاتىسىپ، الاڭنىڭ جارتىسىندا عانا وينايدى. ساقينا تەك بىرەۋ عانا بولادى. ستريتبول سپورتتىڭ رەسمي تۇرىنە اينالعاننان كەيىن، ەرەجەلەر رەتتەلىپ، ءسال وزگەردى. 2010 جىلدان باستاپ 3ح3 باسكەتبولى سپورتتىڭ وليمپيادالىق ءتۇرى سانالادى.
World Tour 3ح3 FIBA – ەرلەر اراسىنداعى باسكەتبول كوماندالارىنىڭ قاتىسۋىمەن وتەتىن حالىقارالىق تۋرنير. وعان ءتۇرلى قالا قاتىسادى. جىل سايىن جەلتوقسان ايىندا 15 ويىن كەزەڭى مەن گراند-فينال وتەدى. 2024 جىلى World Tour-دى لوزاننا، مارسەل، شىڭجاڭ، گونكونگ، ءابۋ-دابي جانە باسقا دا ءىرى مەگاپوليستەر قابىلدايدى.
«World Tour جارىستارىنا قاتىسۋ ءۇشىن كوماندالارعا ۇزاق دايىندىق پەن حالىقارالىق دەڭگەيدەگى ىرىكتەۋ كەزەڭدەرىنەن ءوتۋ كەرەك. قازاقستاندىق كوماندالار بۇعان دەيىن مۇنداي بەدەلدى جارىستارعا قاتىسپاعان. FIBA-مەن ارىپتەستىكتىڭ ارقاسىندا قازاقستانعا ويىنداردى وتكىزەتىن ەل رەتىندە الماتىداعى الەمدىك تۋر كەزەڭىنە ءۇش سلوت ءبولىندى. ءبىز ۇيىمداستىرۋشىلار رەتىندە، ءبىر سلوتتى اشىق تۋرنيردە ۇتىسقا سالدىق. وندا اتىراۋ كومانداسى جەڭىسكە جەتتى. قالعان ەكى سلوتتى باسكەتبولدان ۇلتتىق فەدەراسيا ساراپقا سالدى. ناتيجەسىندە، ءبىر جولدامانى الماتى، ەكىنشىسىن قىرعىزستان كومانداسى يەدەندى»، - دەدى WT Almaty-2024 ءتۋرنيرىنىڭ ۇيىمداستىرۋشىسى «Pilot Sport» جوبالىق توبىنىڭ جەتەكشىسى پاۆەل شەگاي.
World Tour ءتۋرنيرى العاش رەت ورتالىق ازيادا وتەدى. FIBA 3ح3 باسقارۋشى ديرەكتورى الەكس سانچەز 2023 جىلى Almaty Quest تۋرنيرىندە بولىپ قايتقاننان كەيىن، FIBA جارىستاردى قازاقستاندا وتكىزۋدى ۇيعاردى. FIBA Almaty Quest ءتۋرنيرىنىڭ ۇيىمداستىرۋ دەڭگەيىن جوعارى باعالاپ، الماتىدا ودان دا بەدەلدى جارىستى وتكىزۋدى ۇسىندى.
نەگىزگى ويىنداردان باسقا باعدارلامادا ءۇش ۇپايلى لاقتىرۋ سايىسى (Shoot Out Contest) جانە جوعارىدان دوم لاقتىرۋ جارىسى (Dunk Contest) بار.
Shoot Out جارىسىنا ءتۋرنيردىڭ باستى قۇرامىنداعى بارلىق كوماندالار قاتىسا الادى. Dunk Contest جارىسىنا كاسىب باسكەتبولشى-دانكەرلەر قاتىسادى (باسكەتبولداعى بولەك باعىت). جوعارىدان دوپ لاقتىرۋ — قىزىقتى كورىنىسكە تولى سايىستاردىڭ ءبىرى. ءاربىر دانكەر جوعارىدان دوپ لاقتىرىپ، ساقيناعا كىرگىزە الادى. ولاردى قازىلار القاسى باعالايدى.
World Tour Almaty ءترنيرى تىكەلەي ەفيردە «Qazsport» تەلەارناسى جانە FIBA YouTube ارناسىنان كورسەتىلەدى https://www.youtube.com/fiba
2024 جىلدىڭ 12-14 شىلدەسىنە ارنالعان كەستە
12 شىلدە (جۇما) Novotel Almaty City Center قوناق ءۇيى (دوستىق داڭعىلى 104، رەسپۋبليكا الاڭى).
• 12.00-13.00 ستارت الدىنداعى باسپا ءسوز كونفەرەنسياسى (FIBA وكىلى + Atyrau كومانداسىنىڭ كاپيتانى + ۇيىمداستىرۋشىلار).
-14.00-15.00 3ح3 الەمدىك باسكەتبول جۇلدىزدارىنىڭ جانكۇيەرلەرمەن كەزدەسۋى
13 شىلدە (سەنبى)، رەسپۋبليكا الاڭى
• 15.00 بىلىكتىلىك
• 15.30 اشىلۋ سالتاناتى
• 16.00-21.30 نەگىزگى توپ ويىندارى
14 شىلدە (جەنسەنبى)، رەسپۋبليكا الاڭى
• - 17.15 ShootOut Contest جانە Dunk Contest (ءۇش ۇپايلىق كونكۋرستار)
• 18.00-22.00 play off ويىندارى
• 22.30 ماراپاتتاۋ ءراسىمى