روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمىنىڭ «بىرلىك» ءانسامبلى تۇركيادا ءوتىپ جاتقان «التىنقاراگوز اتىنداعى 36-شى دۇنيەجۇزىلىك حالىق بي بايقاۋىنا» قاتىسىپ جاتىر.
تۇركسوي مەن تۇركيانىڭ بۋرسا قالاسىنىڭ اكىمدىگى بىرلەسە ۇيىمداستىرعان بايقاۋعا تۇركىتىلدەس ەلدەردىڭ ۇزدىك ۇلتتىق جانە بي ۇجىمدارى قاتىسادى.
«بىرلىك» ءانسامبلى بايقاۋدا «قامشىگەر»، «جىگەر»، «كۇي شاشۋ» اتتى حورەوگرافيالىق كومپوزيسيالاردى ۇسىنباق. سونداي-اق، ءانسامبلدىڭ كوركەمدىك جەتەكشىسى انەل مارابايەۆا «شارا» اتتى جەكە كومپوزيسياسىن ورىندايدى.
«بىرلىك» ءان-بي ءانسامبلى – كوپ ۇلتتى ەلىمىزدىڭ مادەني بايلىعىن پاش ەتەتىن بىرلىك پەن ۇيلەسىمنىڭ نىشانىنا اينالعان ۇجىم. ءانسامبلدىڭ ونەردەگى ماقساتى – ءوزارا قۇرمەت، بىرلىك پەن تاتۋلىق سىندى قۇندىلىقتاردى ناسيحاتتاي وتىرىپ، قازىرگى قوعامداعى اتالعان قۇندىلىقتاردىڭ ماڭىزىن مادەنيەت پەن ونەر ارقىلى كوپشىلىككە جەتكىزۋ.