جاساندى ينتەللەكت ينستيتۋتىنا 100 گرانت بولىنگەن.
ەندى قازاقستاندىق ستۋدەنتتەر جاساندى ينتەللەكت باعىتى بويىنشا سەۋل ۇلتتىق عىلىم جانە تەحنولوگيا ۋنيۆەرسيتەتىندە ءبىلىم الادى، دەپ حابارلايدى Almaty-akshamy.kz
عىلىم جانە جوعارى ءبىلىم مينيسترلىگىنىڭ مالىمەتىنشە، قورقىت اتا اتىنداعى قىزىلوردا ۋنيۆەرسيتەتى سەۋلتەحپەن بىرلەسىپ، LUPIC جوباسى اياسىندا جاساندى ينتەللەكت ينستيتۋىن قۇرعان.
بۇگىندە ينفورماتيكا، اقپاراتتىق جۇيەلەر، كيبەر قاۋىپسىزدىك، كومپيۋتەرلىك باعدارلامالاۋ ءبىلىم بەرۋ باعدارلامالارىنا قابىلداۋ ءجۇرىپ جاتىر. بۇل ماقساتقا 100 گرانت بولىنگەن.
بۇل ءوز كەزەگىندە ءبىزدىڭ ءبىلىم الۋشىلارىمىزعا سەۋل ۇلتتىق تەحنولوگيالار ۋنيۆەرسيتەتىنىڭ ەڭ مىقتى دەگەن جاساندى ينتەللەكت باعدارلامالارىمەن مىقتى پروفەسسورلارىنان ءتالىم الۋعا مۇمكىندىك بەرەدى،-دەدى جاساندى ينتەللەكت ينستيتۋتىنىڭ ديرەكتورى نۇرلان قۇلمىرزايەۆ.
وڭتۇستىك كورەيا پرەزيدەنتىنىڭ قازاقستانعا رەسمي ساپارى بارىسىندا سەۋل ۇلتتىق عىلىم جانە تەحنولوگيالار ۋنيۆەرسيتەتى مەن قىزىلوردا ۋنيۆەرسيتەتى اراسىندا «قوس ديپلوم باعدارلاماسى بويىنشا كادر دايارلاۋ تۋرالى» كەلىسىمگە قول قويىلدى. ەندى كەلەر جىلدان باستاپ، قوس ديپلومدى باعدارلاما ىسكە قوسىلادى.