بيىل ەلىمىزدىڭ مۋزىكا ونەرى ءۇشىن ماڭىزدى وقيعا – قۇرمانعازى اتىنداعى قازاق ۇلتتىق كونسەرۆاتورياسىنىڭ 80 جىلدىق مەرەيتويى وتەدى.
كونسەرۆاتوريا مەرەيتويىن كوپتەگەن ونەر مايتالماندارى اتاپ ءوتتى. ولاردىڭ قاتارىندا سكريپكاشى مارات بيسەنعالييەۆ، بايانشى Yves Moulin، وپەرا ءانشىسى تالعات مۇسابايەۆتار ۇلكەن كونسەرتتەر قويىپ، بولاشاق جۇلدىزدارعا شەبەرلىك ساباقتارىن جۇرگىزدى، دەپ حابارلايدى aqshamnews.kz مادەنيەت جانە اقپارات مينيسترلىگىنىڭ باسپا ءسوز قىزمەتىنە سىلتەمە جاساپ.
سەكسەن جىلدا كونسەرۆاتوريا قازاقستاندى الەمگە تانىتقان مۋزىكانتتاردىڭ بىرنەشە بۋىنىن تاربيەلەپ شىعارعان ورداعا اينالدى. قارا شاڭىراق تۇلەكتەرىنىڭ اراسىندا بيبىگۇل تولەگەنوۆا، الىبەك دىنىشيەۆ، يۋريي كلۋشكين، الان بورىبايەۆ، بايعالي سەركەبايەۆ، مەدەت شوتابايەۆ سياقتى قازاقستاننىڭ حالىق ارتىستەرى، ەڭبەك سىڭىرگەن قايراتكەرلەرى مەن دارىندى مۋزىكانتتار بار.
كونسەرۆاتوريا 25 قاراشا مەن 2 جەلتوقسان ارالىعىندا وتەتىن مەرەيتويلىق مارافونعا بارشا كورەرمەنىن شاقىرادى. كۇن سايىن قازاقستاندىق مۋزىكانىڭ باي تاريحى، زاماناۋي جەتىستىكتەرى كورسەتىلەدى. باعدارلامادا حالىقارالىق كونفەرەنسيا، كورمەلەر جانە باسقا دا كوپتەگەن ءىس-شارالار جوسپارلانعان.
قازاقستاننىڭ جەتەكشى مۋزىكانتتارى تاجىريبەسىن ءبولىسۋ ءۇشىن شەبەرلىك ساباقتارى مەن كەزدەسۋلەر وتكىزەدى. ولاردىڭ قاتارىندا قازاقستاننىڭ حالىق ءارتىسى ايمان مۇساحودجايەۆا، رەسەي سكريپكاشىسى نازار كوجۋحار، قازاقتىڭ دارىندى ديريجەرلارى الان بورىبايەۆ پەن ابزال مۋحيتدينوۆ، ق ر ەڭبەك سىڭىرگەن قايراتكەرى نۇرلان يزمايلوۆ جانە ت.ب. بار.
مەرەيتويلىق مارافون 3 جەلتوقسان كۇنى رەسپۋبليكا سارايىندا وتەتىن گالا-كونسەرتپەن قورىتىندىلانادى. قازاقستاننىڭ ەڭ بەدەلدى ساحناسىندا كونسەرۆاتوريانىڭ شىعارماشىلىق ۇجىمدارى – وركەسترلەر، انسامبلدەر، حور جانە سوليستەر، سونداي-اق قوناق رەتىندە شاقىرتىلعان ارتىستەر جينالادى. بۇل كەش ۇرپاقتار اراسىنداعى بايلانىستى، مۋزىكالىق داستۇرلەردىڭ بايلىعى مەن قازاقستاندىق ونەردىڭ زاماناۋي ۇلگىسىن كورسەتەتىن مەرەيتويدىڭ قورىتىندىسى بولماق.
مەرەيتويلىق مارافون باعدارلاماسىن كونسەرۆاتوريا سايتىنان كورۋگە بولادى.