ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى اسقار بياحمەتوۆ استانادا وتكەن «تۇراقتى دامۋ باسىمدىقتارىن قالىپتاستىرۋداعى اۋىل ايەلدەرىنىڭ ءرولى» اتتى قازاقستاننىڭ اۋىل ايەلدەرىنىڭ VIءى رەسپۋبليكالىق فورۋمى اياسىندا ايەلدەردى جۇمىسپەن قامتۋ ءۇشىن قابىلدانىپ جاتقان شارالار تۋرالى حابارلادى.
اسقار بياحمەتوۆ ءوز سوزىندە مەملەكەت باسشىسى بيىلعى 2 قىركۇيەكتەگى قازاقستان حالقىنا جولداۋىندا 2025 جىل ەڭبەكقورلىق پەن كاسىپقويلىق يدەياسىن قوعامدا ىلگەرىلەتۋگە باعىتتالعان جۇمىسشى ماماندىقتار جىلى دەپ جاريالانعانىن اتاپ ءوتتى، دەپ حابالايدى aqshamnews.kz.
«قازاقستانداعى ايەلدەر نەگىزىنەن قىزمەت كورسەتۋ سەكتورىندا، اسىرەسە ءبىلىم بەرۋ مەن دەنساۋلىق ساقتاۋدا جۇمىس ىستەيدى، وندا ايەلدەردىڭ ۇلەسى جۇمىسپەن قامتىلعاندار سانىنىڭ 70% - دان استامىن قۇرايدى. سونىمەن قاتار قۇرىلىس، كولىك جانە ونەركاسىپ سياقتى سالالاردا ايەلدەردىڭ ۇلەسى ايتارلىقتاي تومەن. بۇل گەندەرلىك ەڭبەك ءبولىنىسىنىڭ جاھاندىق تەندەنسيالارىن كورسەتەتىن كۇتىم مەن وقىتۋعا بايلانىستى ماماندىقتارداعى ايەلدەردىڭ جوعارى ۇلەسىن كورسەتەدى.
ايەلدەردىڭ جارتىسى جوعارى دەڭگەيدەگى داعدىلاردى قاجەت ەتەتىن پوزيسيالارمەن اينالىسادى – بۇل باسشىلار، كاسىپقويلار جانە ماماندار. كاسىپقويلار اراسىندا ايەلدەردىڭ ۇلەسى 64% قۇرايدى، بۇل ايەلدەردىڭ جوعارى بىلىكتى قىزمەت سالالارىنا قوسقان ۇلەسىن كورسەتەدى»، – دەدى ۆيسە-مينيستر.
سونداي-اق، ول گەندەرلىك جۇمىسپەن قامتۋدىڭ سالالىق ەرەكشەلىگىن كورسەتەتىن تەحنيكالىق داعدىلاردى تالاپ ەتەتىن كاسىپتەردە ايەلدەر ەڭ از جۇمىس ىستەيتىنىن اتاپ ءوتتى. بىلىكتىلىكتىڭ تومەن دەڭگەيى بىلىكتىلىكتى قاجەت ەتپەيتىن جۇمىستارمەن اينالىساتىن ايەلدەردىڭ 17%-نا ءتان.
«2024 جىلعى 1 قاراشاداعى جاعداي بويىنشا جۇمىسقا ورنالاسۋعا جاردەمدەسۋدىڭ بەلسەندى شارالارىمەن 315،5 مىڭ ايەل، ونىڭ ىشىندە 165،5 مىڭ اۋىل ايەلدەرى قامتىلدى.
جىل باسىنان بەرى جالپى 239،9 مىڭ ايەل جۇمىسپەن قامتىلدى، ونىڭ ىشىندە 131،3 مىڭى تۇراقتى جۇمىسقا، 108،6 مىڭى مەملەكەت سۋبسيديالايتىن جۇمىس ورىندارىنا ورنالاستىرىلدى، بۇل جۇمىسپەن قامتىلعانداردىڭ جالپى سانىنىڭ 45%-دان استامىن قۇرايدى»، – دەدى اسقار بياحمەتوۆ.
فورۋم اياسىندا «Coca-Cola Belesteri-2024» بايقاۋىنىڭ جەڭىمپازدارىن ماراپاتتاۋ جانە سالتانات راحىمبەكوۆا اتىنداعى گرانتتى تاپسىرۋ ءراسىمى ءوتتى.
سونداي-اق، «ايەلدەر باستامالارىن قولداۋ قۇرالدارى» پانەلدىك سەسسياسى وتكىزىلىپ، «ازىق-تۇلىك قاۋىپسىزدىگىن قامتاماسىز ەتۋدەگى ايەلدەردىڭ ءرولى»، «اۋىلدىق ايەلدەرگە ارنالعان سيفرلاندىرۋ جانە جاڭا تەحنولوگيالار»، «اۋىلدىق جەرلەردەگى ايەلدەردىڭ ءبىلىمى مەن كاسىبي دامۋى» ساراپتامالىق الاڭدارى ۇيىمداستىرىلدى.