قازاق كاسكادەرلەرى گولليۆۋدتىڭ «ناپولەون» فيلمىنە قاتىستى

قازاقستان كينوتەاترلارىندا 23 قاراشادان باستاپ كورسەتىلە باستادى.

«ناپولەون» ءومىرباياندىق ءفيلمى تاريحتاعى ەڭ اتاقتى فرانسيا يمپەراتورى ناپولەون بوناپارتتىڭ العاشقى جىلدارى تۋرالى باياندايدى، دەپ حابارلايدى Almaty-akshamy.kz

تريۋكتەرگە جەتەكشىلىك ەتكەن نيككي «جىگىتتەردىڭ كاسىپقوي ەكەنىن الدىن الا بىلگەندە، قازاقستاننان كوبىرەك كاسكادەر شاقىرار ەدىم» دەدى.

قازاقستاندىق كاسكادەرلار بريتاندىق رەجيسسەر ريدلي سكوتتتىڭ «ناپولەون» اتتى جاڭا ءفيلمىنىڭ تۇسىرىلىمىنە قاتىستى.

ايتا كەتسەك، 22 قاراشادا «ناپولەون» ءفيلمىنىڭ الەمدىك پرەمەراسى وتكەن بولاتىن. سونداي-اق ول قازاقستان كينوتەاترلارىندا 23 قاراشادان باستاپ كورسەتىلە باستادى.

«ءبىز ريدلي سكوتت جوباسىنا ءۇندىستاندا بىرگە جۇمىس ىستەگەن كاسكادەرلىك ۇيلەستىرۋشى نيك پاۋەللدىڭ ۇسىنىسى ارقىلى تۇستىك. «ناپولەون» فيلمىندەگى بارلىق تريۋكتەرگە ونىڭ اپكەسى نيككي حورەوگرافيالىق جاعىنان جەتەكشىلىك ەتتى. ءتۇسىرىلىم اياقتالعاننان كەيىن ول جىگىتتەرگە جۇمىسى ءۇشىن العىس ايتتى. سونىمەن قاتار ولاردىڭ كاسىپقوي ەكەنىن الدىن الا بىلگەندە، قازاقستاننان كوبىرەك كاسكادەر شاقىرار ەدىم دەدى»، - دەيدى «Nomad Stunts» حالىقارالىق كاسكادەرلار توبىنىڭ جەتەكشىسى، قازاقستاننىڭ ەڭبەك سىڭىرگەن قايراتكەرى جايداربەك كۇنعوجينوۆ.

«ناپولەون» ءومىرباياندىق ءفيلمى تاريحتاعى ەڭ اتاقتى فرانسيا يمپەراتورى ناپولەون بوناپارتتىڭ العاشقى جىلدارى تۋرالى باياندايدى. فيلمدە باستى ءرولدى حواكين فەنيكس سومدادى.