«Qazaq Astyq Group» اباي وبلىسىندا تازارتىلعان وسىمدىك مايىن وندىرەتىن جاڭا جەلىنى سالۋ جوباسىن جۇزەگە اسىرۋدا.
كۇنىنە 200 توننا تازارتىلعان ماي شىعاراتىن وندىرىستىك جەلىنىڭ ىسكە قوسىلۋى 2025 جىلعا جوسپارلانعان، دەپ حابارلايدى aqshamnews.kz.
اشم مالىمەتىنشە، بۇل جوبا كومپانيانىڭ وندىرىستىك قۋاتىن كەڭەيتۋ جانە ءونىم كولەمىن جىلىنا 72 مىڭ تونناعا دەيىن ارتتىرۋداعى ماڭىزدى قادام بولماق.
جوبانىڭ جالپى ينۆەستيسيا كولەمى 8،3 ملرد تەڭگەنى قۇرايدى. جاڭا ءوندىرىس تاۋلىگىنە:
•522 توننا وسىمدىك مايىن،
•431 توننا شروتتى،
•2،6 توننا ءفوسفاتيدتى كونسەنتراتتى،
•36 توننا تۇيىرشىكتەلگەن قاۋىزدى وڭدەۋگە مۇمكىندىك بەرەدى.
وندىرىستىك جەلى تاۋلىگىنە 1200 توننا كۇنباعىس، سونداي-اق 800 توننا راپس پەن زىعىر تۇقىمىن قايتا وڭدەۋگە باعىتتالعان.
شيكىزاتتىڭ نەگىزگى جەتكىزۋشىلەرى وتاندىق اۋىل شارۋاشىلىعى وندىرۋشىلەرى مەن رەسەيدەن كەلگەن يمپورتتاۋشىلار بولماق. جاڭا كەشەننىڭ ىسكە قوسىلۋى كومپانياعا ىشكى نارىقتىڭ تازارتىلعان كۇنباعىس مايىنا دەگەن سۇرانىسىن تولىق قامتاماسىز ەتىپ قانا قويماي، ەكسپورتتىق جەتكىزىلىمدەردى دە جولعا قويۋعا مۇمكىندىك بەرەدى.
دايىن ءونىم مىنا ەلدەرگە ەكسپورتتالاتىن بولادى: ءازىربايجان، بەلارۋس، گرۋزيا، ءۇندىستان، يتاليا، جۇڭگو، قىرعىزستان، لاتۆيا، پولشا، رەسەي، تاجىكستان، وزبەكستان جانە ەستونيا.
ءوندىرىستى كەڭەيتۋ مەن جاڭعىرتۋعا باعىتتالعان بۇل جوبا ءوڭىردىڭ اگروونەركاسىپتىك كەشەنىن دامىتۋعا جانە قازاقستاندىق ونىمدەردىڭ حالىقارالىق نارىقتاعى ۇلەسىن ارتتىرۋعا ايتارلىقتاي ۇلەس قوسپاق