ۇلتتىق بانك جاڭا ەرەجە ەنگىزبەك: ۆاليۋتا باعامى كوشەدە كورسەتىلمەيدى
ءقازىر ايىرباستاۋ پۋنكتتەرىنىڭ سىرتىندا دوللار، ەۋرو سياقتى شەتەل ۆاليۋتاسىنىڭ باعامى جازىلىپ تۇرادى، دەپ حابارلايدى aqshamnews.kz.
بۇل اقپاراتتىق تاقتايشالار جول بويىندا، عيماراتتاردىڭ قابىرعاسىندا، ءتىپتى جول بەلگىلەرىنىڭ جانىنا دەيىن ىلىنەدى. الايدا ۇلتتىق بانكتىڭ مالىمدەۋىنشە، مۇنداي بەلگىلەر كەي جاعدايلاردا جول قوزعالىسى قاۋىپسىزدىگىنە كەدەرگى كەلتىرىپ، جۇرگىزۋشىلەردىڭ جول جاعدايىن دۇرىس باعالاۋىنا توسقاۋىل بولادى. سول سەبەپتى جاڭا ەرەجە جوباسىندا ۆاليۋتا باعامىن تەك ايىرباستاۋ پۋنكتىنىڭ ىشىندە عانا كورسەتۋ ۇسىنىلىپ وتىر. ياعني سىرتتا تۇراتىن باعام تاقتايشالارى الىنىپ تاستالادى.