الماتى قالاسىنىڭ اكىمى ەربولات دوسايەۆتىڭ وكىمىمەن الماتى قالاسى سپورت باسقارماسىنىڭ باسشىسى قىزمەتىنە دارحان نۇرحان ۇلى تاعايىندالدى.
دارحان نۇرحان ۇلى قازاق گۋمانيتارلىق-زاڭ يننوۆاسيالىق ۋنيۆەرسيتەتىنىڭ تۇلەگى. سونىمەن قاتار، ول قارجى سالاسىندا ورتا ءبىلىم مەن زاڭ سالاسىندا جوعارى ءبىلىم العان.
ەڭبەك جولىن 2011 جىلى قۇرىلىس كومپانياسىندا جۇمىسشى رەتىندە باستاعان. ول مەملەكەتتىك قۇرىلىمداردا جەتەكشى ماماننان باستاپ باسشىلىق لاۋازىمدارعا دەيىن كوتەرىلدى.
2020-2021 جىلدارى ق ر پرەمەر-مينيسترىنىڭ الەۋمەتتىك دامۋ، دەنساۋلىق ساقتاۋ، مادەنيەت جانە سپورت ماسەلەلەرى بويىنشا ورىنباسارىنىڭ كەڭەسشىسى بولدى.
كەيىن جامبىل وبلىسى اكىمى اپپاراتى باسشىسىنىڭ ورىنباسارى لاۋازىمىن اتقاردى.
2022 جىلى تامىز ايىنان باستاپ سوڭعى تاعايىندالعانعا دەيىن الماتى قالاسى اكىمى اپپاراتى باسشىسىنىڭ ورىنباسارى بولعان.