قازان ايىندا بەس كۇندىك جۇمىس كەستەسىمەن ەڭبەك ەتەتىن قازاقستاندىقتار توعىز كۇن دەمالادى، دەپ حابارلايدى Aqshamnews.kz ءتىلشىسى.
كۇزدىڭ ەكىنشى ايىندا ۇلتتىق مەرەكە - رەسپۋبليكا كۇنى اتاپ وتىلەدى. بۇل مەرەكە 25 قازانعا بەلگىلەنگەن جانە بيىل سەنبىگە سايكەس كەلەدى. ەڭبەك زاڭناماسىنا ساي، دەمالىس كۇنى جۇمىس كۇنىنە اۋىستىرىلاتىندىقتان، قوسىمشا دەمالىس دۇيسەنبىگە اۋىسادى. وسىلايشا بەس كۇندىك جۇمىس اپتاسىنداعى ازاماتتار قاتارىنان ءۇش كۇن - 25، 26 جانە 27 قازاندا دەمالاتىن بولادى.
ايتا كەتەيىك، 1990 جىلدىڭ 25 قازانىندا قازاق كسر-ىنىڭ مەملەكەتتىك ەگەمەندىگى تۋرالى دەكلاراسيا قابىلدانىپ، قازاقستاننىڭ تاۋەلسىز مەملەكەت رەتىندەگى ساياسي-قۇقىقتىق نەگىزدەرى جاريالانعان ەدى.
رەسپۋبليكا كۇنى العاش رەت 1995 جىلى ۇلتتىق مەرەكە رەتىندە بەكىتىلگەنىمەن، 2009 جىلدان باستاپ تويلانباي كەلگەن. 2022 جىلدىڭ قىركۇيەگىندە پرەزيدەنت قاسىم-جومارت توقايەۆ قول قويعان زاڭعا سايكەس، 25 قازان قايتادان ۇلتتىق مەرەكە - رەسپۋبليكا كۇنى بولىپ بەلگىلەندى.