الماتىنىڭ اۋەزوۆ اۋدانىنىڭ 8-شاعىناۋدانىندا، التىنسارين كوشەسىنىڭ بويىنداعى №37 ءۇيدىڭ جانىندا بۇرىن بوس تۇرعان جەر اباتتاندىرىلدى. بۇل تۋرالى اۋدان اكىمدىگى حابارلادى.
جوبا «سۇلتان قۇرىلىس» ج ش س مەردىگەر ۇيىمى ارقىلى 2025 جىلعى «حالىق قاتىساتىن بيۋدجەت» باعدارلاماسى اياسىندا جۇزەگە استى.
جۇرگىزىلگەن جۇمىستىڭ ناتيجەسىندە بوس جاتقان اۋماقتا تۇرعىنداردىڭ سەرۋەندەۋىنە جانە دەمالۋىنا ارنالعان جاڭا سكۆەر سالىندى.
اباتتاندىرۋ بارىسىندا جاڭا اسفالت جانە جاياۋ جۇرگىنشى جولى توسەلىپ، 27 زاماناۋي شام، شاعىن ساۋلەتتىك نىساندار ورناتىلدى. ونىڭ قاتارىندا ورىندىقتار، 16 مەترلىك ورىندىق جانە اتكەنشەكتى پەرگولا بار. جاسىل جەلەك ءۇشىن 180-نەن استام اعاش پەن بۇتا وتىرعىزىلدى، 110 شارشى مەترلىك الپىلىك توبە، كوگال مەن جاسىل شارباق جاسالدى. وسىمدىكتەرگە كۇتىم جاساۋ ءۇشىن اۆتوماتتى سۋارۋ جۇيەسى ورناتىلدى.
«بۇل سكۆەر – تۇرعىندار باستاماسى مەن مەملەكەتتىڭ قولداۋىنىڭ ارقاسىندا بوس اۋماقتاردىڭ جايلى قوعامدىق كەڭىستىككە اينالىپ جاتقانىن كورسەتەتىن جارقىن مىسال»، – دەدى اۋدان اكىمدىگىندە.