ورال قالاسىنىڭ سارىتاۋ شاعىناۋدانىندا (زاچاگانسك) "ۆاز-2114" جۇرگىزۋشىسى رولگە يە بولا الماي، جارىق باعاناسىنا سوعىلىپ، كولىك تولىعىمەن اۋدارىلىپ كەتكەن، دەپ حابارلايدى Aqshamnews.kz ءتىلشىسى.
باتىس قازاقستان وبلىستىق پوليسيا دەپارتامەنتىنىڭ مالىمەتىنشە، وقيعا 8 قىركۇيەكتە ساعات 01:30 شاماسىندا كۇلتەگىن كوشەسىندە تىركەلگەن.
"8 قىركۇيەك ساعات 01:30-دە "ۆاز-2114" جۇرگىزۋشىسى كۇلتەگىن كوشەسىمەن كەلە جاتىپ، رولگە يە بولا الماي، جارىق باعاناسىنا سوقتىعىسىپ، كەيىن كولىك اۋدارىلدى. جول اپاتى سالدارىنان كولىكتىڭ جولاۋشىسى اۋرۋحاناعا جەتكىزۋ كەزىندە العان جاراقاتىنان قايتىس بولدى"، – دەلىنگەن باتىس قازاقستان وبلىسى پوليسيا دەپارتامەنتىنىڭ باسپا ءسوز قىزمەتىنىڭ حابارلاماسىندا.
اتالعان دەرەك بويىنشا قىلمىستىق ءىس قوزعالدى. تەرگەۋ جۇرگىزىلىپ جاتىر. كولىكتى جۇرگىزگەن ادام ۇستالىپ، ۋاقىتشا ۇستاۋ يزولياتورىنا قامالدى.