دەپۋتاتتار قازاقستان مەن پەرۋ اراسىنداعى سوتتالعانداردى ءوز ازاماتتىعى بار ەلگە جازاسىن وتەۋگە بەرۋ جانە قىلمىستىق ىستەر بويىنشا ىنتىماقتاستىق تۋرالى شارتتى راتيفيكاسيالاۋدى قۇپتادى، دەپ حابارلايدى Aqshamnews.kz ءتىلشىسى Tengrinews.kz-كە سىلتەمە جاساپ.
قۇجاتقا سايكەس، ەكى ەل:
-
سوتتالعانداردى ءوز ەلىندە جازاسىن وتەۋ ءۇشىن ءوزارا الماستىرادى؛
-
قىلمىستىق ىستەر بويىنشا ءوزارا قۇقىقتىق كومەك كورسەتەدى (اقپارات الماسۋ، تەرگەۋگە جاردەمدەسۋ).
دەپۋتات سنەجانا يماشيەۆا بۇل كەلىسىم قىلمىسپەن كۇرەستەگى ءوزارا ءىس-قيمىلدى تيىمدىرەك ەتىپ، "سوتتالعانداردىڭ ءوز ازاماتتىعى بار قوعامدا قايتا الەۋمەتتەنۋىنە ىقپال ەتەدى" دەدى.
ايتا كەتەيىك، قازاقستان مەن پەرۋ اراسىنداعى كەلىسىم 2024 جىلدىڭ قازانىندا جاسالعان. سول كەزدە باس پروكۋراتۋرا كەيىنگى ۋاقىتتا زاڭ بۇزعان كەيبىر قازاقستاندىقتاردىڭ لاتىن امەريكاسى ەلدەرىنە جاسىرىنۋعا تىرىساتىنىن مالىمدەگەن. بۇعان ۇقساس كەلىسىم برازيليامەن بەكىتىلگەن، سونداي-اق ارگەنتينا جانە دومينيكان رەسپۋبليكاسىمەن دە وسىنداي قۇجاتتار جاساۋ جوسپارلانعان بولاتىن.