22–24 تامىز ارالىعىندا Sputnik Mall ساۋدا ورتالىعىندا «قاۋىمداستىقتار 2» فەستيۆالى وتەدى، - دەپ حابارلايدى اqshamnews.kz.
ءىس-شارانى «وقيعالار ورتالىعى» جوباسى ۇيىمداستىرىپ وتىر. فەستيۆالدىڭ باستى ماقساتى – مادەني، سپورتتىق جانە ءبىلىم بەرۋ باستامالارىن ناسيحاتتاۋ، سونداي-اق اينالاسىنداعى ورتانى قالىپتاستىرىپ جۇرگەن بەلسەندى ازاماتتار مەن قاۋىمداستىقتاردى قولداۋ.
قاتىسۋشىلاردى نە كۇتەدى؟
فەستيۆال اشىق ساحنا مەن ءوزىن تانىستىرۋعا كەڭ مۇمكىندىك بەرەدى. فورمات بارىنشا ەركىن – اركىم ءوز يدەياسىن ۇسىنىپ، كورەرمەن الدىنا شىعا الادى.
ءسىز وتكىزە الاسىز:
-
ماستەر-كلاسس؛
-
جوبا تانىستىرىلىمى؛
-
ۆيكتورينا؛
-
فلەشموب؛
-
مۋزىكالىق، بي نەمەسە تەاترلىق قويىلىم؛
سونداي-اق ساۋدا ورتالىعى ىشىندە پرومو-ستەند قويۋعا بولادى. ءۇش كۇن بويى قاتىسۋشىلار قوناقتارمەن ەركىن سويلەسىپ، فلاەر، ۆيزيتكا تاراتىپ، قىزىققان ادامدارعا كەڭەس بەرە الادى.
نەگە قاتىسۋ كەرەك؟
بۇل مۇمكىندىك:
-
جاڭا كليەنتتەر، قاتىسۋشىلار نەمەسە ءىزباسارلار تارتۋعا؛
-
سەرىكتەستەر، مەردىگەرلەر، ماماندار تابۋعا؛
-
دەمەۋشىلەر مەن مەسەناتتاردىڭ نازارىن اۋدارۋعا؛
-
قاۋىمداستىقتى كەڭەيتىپ، جاڭا اۋديتورياعا شىعۋعا؛
كىمدەر ءوتىنىش بەرە الادى؟
ۇيىمداستىرۋشىلار شاقىرادى:
-
سپورتتىق سەكسيالار مەن ۇيىمداردى؛
-
كاسىبي بىرلەستىكتەر مەن وداقتاردى؛
-
قوعامدىق بىرلەستىكتەر مەن قورلاردى؛
-
ءبىلىم بەرۋ جانە شىعارماشىلىق ورتالىقتاردى؛
-
فان-كلۋبتار، حوببي-قاۋىمداستىقتار جانە ادامداردى قىزىعۋشىلىق بويىنشا بىرىكتىرەتىن كەز كەلگەن توپتاردى؛
قالاي قاتىسۋعا بولادى؟
قاتىسۋ تەگىن، ءبىراق الدىن الا كەلەسى ماتەريالداردى جىبەرۋ قاجەت:
-
LED-ەكرانعا ارنالعان سلايدتار؛
-
اۋديو/ۆيدەو سۇيەمەلدەۋ؛
-
فونوگراممالار جانە باسقا دا مەديافايلدار؛
WhatsApp: +7 708 809 00 82
سايت: www.fan-club.kz
وفيس مەكەنجايى: الماتى ق.، تۋرگۋت وزالا ك-سى، 114
تولىق اقپاراتتى Instagram پاراقشاسىنان الا الاسىز: @FAN_CLUB.KZ