اياعىن شالىس باسىپ قىلمىس جاساعانداردى قوعامعا پايدالى ادام رەتىندە قايتارۋدىڭ بىردەن ءبىر ءتيىمدى جولى – جۇمىسقا ورنالاستىرۋ. بۇل ورايدا الماتى قالاسى بويىنشا ءقاجد-نىڭ قاۋىپسىزدىگى بارىنشا تومەن №13 مەكەمەسىنىڭ اكىمشىلىگى سوتتالعانداردى جۇمىسقا ورنالاستىرۋ باعىتىندا جۇيەلى جۇمىس جۇرگىزىپ كەلەدى، دەپ حابارلايدى اqshamnews.kz.
مەكەمەدەگى سوتتالعانداردىڭ باسىم بولىگى بۇگىنگى نارىق زامانىندا تابىستىڭ كوزىن تاپپاي ءارتۇرلى قىلمىسقا ۇرىنىپ، باس بوستاندىعىنان ايىرىلعاندار. وسىنى ەسكەرگەن مەكەمە اكىمشىلىگى قالاداعى كاسىپورىن باسشىلارىمەن كەلىسسوزدەر جۇرگىزىپ، سوتتالعانداردى جۇمىسپەن قامتۋدا.
مەكەمە اكىمشىلىگىنىڭ وسىنداي جۇمىستارىنىڭ ناتيجەسىندە بۇگىندە 30 سوتتالعان ادام الماتى قالاسىنداعى اۆتوكلاۆتى گازدالعان بەتون بلوك شىعاراتىن «اۆتوكلاۆ kz» زاۆودىنا جۇمىسقا ورنالاستىرىلعان.
جۋىردا ق ر كونستيتۋسياسىنىڭ 30 جىلدىعىنا وراي قابىلدانعان “راقىمشىلىق تۋرالى” زاڭىنىڭ تالاپتارىنا ساي اتالعان مەكەمەدە جازاسىن وتەپ جۇرگەندەر بوستاندىققا شىعۋدا. سولاردىڭ ءبىرى «اۆتوكلاۆ kz» زاۆودىندا جۇمىس ىستەپ جۇرگەن ەرحان دەگەن جىگىت. ول ق ر قىلمىستىق كودەكسىنىڭ 193-بابىمەن ەرەكشە قۇندىلىعى بار، تاريحي زاتتاردى جىمقىرىپ، قىلمىس جاساعانى ءۇشىن 3 جىل 6 ايعا سوتتالعان بولاتىن. ەركىندىككە شىققان سوڭ دا زاۆود باسشىلىعى ەرحاننىڭ ءوزى ەڭبەك ەتىپ جۇرگەن سەحتاعى جۇمىسىن جالعاستىرۋعا ۇسىنىس جاساپ، ول ءقازىر ەسەلى ەڭبەكتىڭ ۇلگىسىن كورسەتىپ ءجۇر.