الماتىدا فۋتبولدان چەمپيوندار ليگاسىنىڭ توپتىق كەزەڭىندەگى «قايرات» پەن «رەال مادريد» اراسىنداعى ماچ بارىسىندا تاۋلىك بويى مەديسينالىق باقىلاۋ ۇيىمداستىرىلادى. بۇل تۋرالى قالانىڭ قوعامدىق دەنساۋلىق باسقارماسى حابارلادى.
وسى ماقساتتا ستاديون اۋماعىنا بەس جەدەل جاردەم بريگاداسى قويىلىپ، ءارقايسىسى كەز كەلگەن جاعدايعا جەدەل ىس-ارەكەتكە دايىن تۇرادى.
الماتى قالاسى قوعامدىق دەنساۋلىق باسقارماسىنىڭ مالىمەتىنشە، مەديسينالىق قۇرام ءىرى سپورتتىق جانە بۇقارالىق ءىس-شارالاردا تاجىريبەسى مول جوعارى بىلىكتى مامانداردان جاساقتالعان. بريگادالار تريبۋنا ماڭىندا جانە كىرەبەرىس جاقتا ورنالاسىپ، ۇيىمداستىرۋشىلارمەن جانە قاۋىپسىزدىك قىزمەتىمەن تۇراقتى بايلانىستا بولادى.
ۇيىمداستىرۋشىلاردىڭ ايتۋىنشا، بارلىق شارا جانكۇيەرلەردىڭ قاۋىپسىزدىگى مەن جايلىلىعىن قامتاماسىز ەتۋگە باعىتتالعان. بۇل ماچ قوناقتارىنىڭ الماتىداعى وسىناۋ جارقىن ءارى كوپتەن كۇتكەن سپورتتىق وقيعانى الاڭسىز تاماشالاۋىنا مۇمكىندىك بەرەدى.