قاسىم-جومارت توقايەۆ مارتەبەلى مەيماننىڭ الماتىعا ساپارمەن كەلگەنىنە ريزاشىلىق ءبىلدىرىپ، مۇنداي بەيرەسمي كەزدەسۋلەر جاقسى داستۇرگە اينالعانىن ايتتى، دەپ حابارلايدى aqshamnews.kz.
– بۇل – باۋىرلاس، دوستاس مەملەكەتتەر اراسىنداعى ىنتىماقتاستىقتى دامىتۋ ماقساتىندا اتقارىلىپ جاتقان جۇمىستى ىسكەرلىك سيپاتتا تاعى ءبىر تالقىلاۋعا ورايلى ءسات. ءبىز – وداقتاس ەلدەرمىز. ەكى ەل اراسىنداعى ىقپالداستىق تۇتاس ورتالىق ازيا وڭىرىندەگى جاعدايعا تىكەلەي اسەر ەتەدى، – دەدى قازاقستان پرەزيدەنتى.
مەملەكەت باسشىسى باۋىرلاس حالىقتاردى جاقىنداستىرۋعا، ايماقتىڭ ورنىقتى جانە ءقاۋىپسىز دامۋىنداعى ورتاق ماقساتتاردى ىلگەرىلەتۋگە شاۆكات ميرزيويەۆتىڭ زور ۇلەس قوسقانىن اتاپ ءوتتى.