بۇل تۋرالى الماتىعا جۇمىس ساپارىمەن بارعان كولىك ءمينيسترى مارات قارابايەۆ ايتتى.
قاسكەلەڭنەن الماتىعا اپاراتىن جول 8 جولاققا دەيىن كەڭەيتىلىپ، بەس ارنايى كولىك ەستاكاداسى سالىنادى، دەپ حابارلايدى aqshamnews.kz
كولىك مينيسترلىگى باسپا ءسوز قىزمەتىنىڭ حابارلاۋىنشا، اتالعان جۇمىس مەملەكەت باسشىسىنىڭ الماتى اگلومەراسياسىن دامىتۋ جونىندەگى تاپسىرماسى اياسىندا جۇرگىزىلەدى.
قۇرىلىس ەكى كەزەڭدە جۇرگىزىلمەك:
ءبىرىنشى كەزەڭ اياسىندا ءۇاااج-نان (ۇلكەن الماتى اينالما اۆتوموبيل جولى) قاسكەلەڭ وتكەلىنە دەيىنگى ۋچاسكە قامتىلسا،
ەكىنشى كەزەڭدە قاسكەلەڭ وتكەلىنەن ايتەي اۋىلىنا بۇرىلىسقا دەيىنگى ۋچاسكە قامتىلماق. جوبالاۋ جۇمىستارى باستالدى.
"اتالعان شارا كولىك قاتىناسىن جاقسارتۋعا جانە جول ءجۇرۋ ۋاقىتىن ەداۋىر قىسقارتۋعا مۇمكىندىك بەرەدى دەپ كۇتىلۋدە. ءسوز ەتىلگەن ۋچاسكەدەگى وتكىزۋ قابىلەتى تاۋلىگىنە 60 مىڭنان 90 مىڭ كولىككك دەيىن ۇلعايادى. جولدىڭ كەڭەيۋى كەپتەلىستىڭ تومەندەۋىنە اكەلەدى دەپ كۇتىلۋدە. اۆتوكولىك جۇرگىزۋشىلەرى مەن جاياۋ جۇرگىنشىلەر ءۇشىن قوزعالىس قاۋىپسىزدىگىن قامتاماسىز ەتۋ ءۇشىن ماماندار 12 جەر ءۇستى جاياۋ جۇرگىنشىلەر وتكەلىن سالادى"، دەلىنگەن حابارلامادا.