ازىرگە ناقتى شەگى بەلگىلەنبەگەن.
ەندى ترانسفەرت كولەمى زاڭمەن بەكىتىلمەك، دەپ حابارلايدى aqshamnews.kz
تيمۋر سۇلەيمەنوۆ ۇكىمەت ۇلتتىق بانكتىڭ بۇل ۇسىنىسىمەن كەلىسكەنىن جەتكىزدى. ەرەجە نىسانالى دا، كەپىلدەندىرىلگەن ترانسفەرتتەرگە قولدانىلادى.
«نىسانالى ترانسفەرتتى كەز كەلگەن جوباعا بولە بەرۋگە بولمايدى. بۇل الەۋمەتتىك-ەكونومكالىق اسەرى ۇلكەن، ۇلتتىق دەڭگەيدەگى جوبا بولۋى شارت. قارجى جانە ۇلتتىق ەكونوميكا مينيسترلىگىمەن وسى بيۋدجەت ەرەجەلەرىنىڭ كەپىلدەندىرىلگەن ترانسفەرتكە عانا ەمەس، ۇلتتىق قوردان الىناتىن بۇكىل قارجىعا قاتىستى قولدانۋ ماسەلەسىن تالقىلاپ كەلىسىمگە كەلدىك»، – دەدى سۇلەيمەنوۆ.
سۇلەيمەنوۆتىڭ ايتۋىنشا، نىسانالى ترانسفەرت شەگى قاڭتار ايىنىڭ سوڭىنا دەيىن ناقتىلانادى.
دەسە دە 2025 جىلى ۇكىمەت ۇلتتىق قوردان 5،3 ترلن تەڭگە قارجى الۋدى جوسپارلاپ وتىر. ونىڭ 2 ترلن تەڭگەسى كەپىلدەندىرىلگەن ترانسفەرت بولسا، 3،3 ترلن تەڭگەسى – نىسانالى ترانسفەرت بولماق.
2024 جىلدىڭ 12 ايىندا ۇلتتىق قورعا جالپى 8،8 ترلن تەڭگە تۇسكەن. الايدا قوردان بىلتىر 5،6 ترلن تەڭگە رەسپۋبليكالىق بيۋدجەتكە اۋدارىلدى. 2024 جىلدىڭ 1 قاڭتارىندا قوردا 29،8 ترلن تەڭگە قارجى بولسا، ءقازىر 33 ترلن تەڭگەدەن ءسال عانا اسادى. ياعني ءبىر جىلدا قورداعى قارجى بار-جوعى 3 ترلن تەڭگەگە وسكەن.