Gold Company LTD قازاقستاندىقتاردىڭ 9 ملرد تەڭگەدەن استام قاراجاتىن يەمدەنگەن
Gold Company LTD قارجى پيراميداسى قازاقستاندىقتاردىڭ 9 ملرد تەڭگەدەن استام قاراجاتىن يەمدەنگەن. بۇل تۋرالى ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ ايتتى، دەپ حابارلايدى almaty-akshamy.kz
«قازاقستان مەن رەسەي ازاماتتارىنان تۇراتىن Gold Company LTD قارجى پيراميداسىن ۇيىمداستىرۋشى قىلمىستىق توپقا قاتىستى ءىستى تەرگەۋ ناتيجەلەرىن جەتكىزگىم كەلدى. ولار ءبىزدىڭ ازاماتتارىمىزعا ينتەرنەتتەگى ويدان شىعارىلعان ينۆەستيسيالىق جوبالاردان جوعارى پايدا تابۋعا ۋادە بەرىپ، 9 ملرد تەڭگەدەن استام قاراجاتىن يەمدەنگەن»، - دەدى سانجار ءادىلوۆ ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
ونىڭ دەرەگىنشە، كىنالىلەردىڭ قىلمىستىق ارەكەتتەرىنەن 4 مىڭنان استام ازامات زارداپ شەكتى.
«اتالعان قارجى پيراميداسىنىڭ قىزمەتىنە اقتوبە وبلىسىنىڭ پوليسيا دەپارتامەنتى توسقاۋىل قويدى. قازىرگى ۋاقىتتا ءىس سوتتا»، - دەدى دەپارتامەنت باستىعى.