قازاقستاندا كوكتەمگى اسكەرگە شاقىرۋ ناۋقانى ءوتىپ جاتىر. بۇل 30 ماۋسىمعا دەيىن جالعاسادى، دەپ حابارلايدى اlmaty-akshamy.kz ق ر قورعانىس مينيسترلىگىنە سىلتەمە جاساپ.
ۆەدومستۆو ازاماتتاردى شاقىرۋ پۋنكتتەرىنە مەديسينالىق كوميسسيادان ءوتۋ ءۇشىن شاقىرۋعا قاتىستى بارلىق راسىمدەر زاڭناماعا سايكەس جۇرگىزىلەتىنىن دە حابارلادى. 18-دەن 27 جاسقا دەيىنگى اسكەرگە شاقىرۋ جاسىنداعى جاسوسپىرىمدەر شاقىرتۋ قاعازى جانە sms-حابارلامالار بارعان جاعدايدا مەديسينالىق كوميسسيادان وتۋگە كەلۋى قاجەت.
«ەگەر اسكەرگە شاقىرىلۋشى بىرنەشە رەت حابارلاعاننان كەيىن جيناۋ پۋنكتىنە كەلمەسە، وندا جەرگىلىكتى اسكەري باسقارۋ ورگاندارىنىڭ قىزمەتكەرلەرى پوليسيا قىزمەتكەرلەرىمەن بىرلەسىپ جالتارۋشىنىڭ تۇراتىن جانە جۇمىس ىستەيتىن جەرىنە بارادى.
شاقىرۋ مەديسينالىق كوميسسيانىڭ ناتيجەلەرى بويىنشا شاقىرىلۋشىنىڭ مەرزىمدى اسكەري قىزمەت وتكەرۋگە جارامدىلىق دارەجەسى ايقىندالادى. ەگەر جاس جىگىت جارامسىز دەپ تانىلسا، وندا سول كۇنى ول جيناۋ پۋنكتىنەن ۇيىنە قايتادى. ەگەر اسكەرگە شاقىرىلۋشى قوسىمشا تەكسەرۋدى قاجەت ەتسە، وندا ول مەديسينالىق مەكەمەلەرگە جىبەرىلەدى»، - دەلىنگەن مينيسترلىكتىڭ حابارلاماسىندا.
مەديسينالىق كوميسسيا تەكسەرۋىنەن ءساتتى وتكەن جانە قىزمەتكە جارامدى دەپ تانىلعان اسكەرگە شاقىرىلۋشىلاردىڭ ءاربىرىن اكىمنىڭ ورىنباسارى ءتوراعالىق ەتەتىن شاقىرۋ كوميسسياسى دەربەس قارايدى. وسىلايشا، اسكەرگە شاقىرۋ تۋرالى شەشىم قابىلدانادى.
سونىمەن قاتار، ۆەدومستۆو شاقىرۋ بويىنشا مەديسينالىق كوميسسيا مەن اسكەري قىزمەتتەن جالتارۋ اكىمشىلىك جانە قىلمىستىق جاۋاپكەرشىلىك رەتىندە قارالاتىنىن ەسكە سالدى. شاقىرۋ قاعازى بويىنشا مەديسينالىق تەكسەرۋگە كەلمەگەن جاعدايدا 5 اەك مولشەرىندە ايىپپۇل سالىنادى.
«اسكەري قىزمەتتەن جالتارۋ 1 مىڭ اەك مولشەرىندە ايىپپۇل سالۋعا، نە سول مولشەردە تۇزەتۋ جۇمىستارىنا، نە 400 ساعاتقا دەيىنگى قوعامدىق جۇمىستارعا تارتۋعا، نە ءبىر جىلعا دەيىنگى مەرزىمگە باس بوستاندىعىن شەكتەۋگە نەمەسە ودان ايىرۋعا اكەپ سوعادى.