ەلىمىزدىڭ ەكولوگياسىن جاقسارتۋ ءۇشىن عالىمدار شىبىن دەرناسىلىن پايدالانباقشى
وتاندىق عالىمدار ەكولوگيانى جاقسارتۋدا جانە توپىراقتىڭ قۇنارىن ارتتىرۋدا شىبىن دەرناسىلىن تاپتىرماس تىڭايتقىش دەپ تاۋىپ وتىر. ءقازىر ولار وسى سالادا تاجىريبەلىك جۇمىستارىن جۇرگىزىپ جاتىر، دەپ حابارلايدى Almaty-akshamy.kz
ءبىر كيلوگرامم شىبىن دەرناسىلىن ءوسىرۋ ءۇشىن 10-15 كيلوگرامم قورەك كەرەك. وڭتۇستىك امەريكا شىبىندارى قۇستىڭ ساڭعىرىعىن دا، تاماق قالدىقتارىن دا، اعاش ۇگىندىسى، بيداي كەبەگى – ءبارى-بارىن تالعاماي جەي بەرەدى. تەك تابيعي بولسا بولعانى. عىلىمعا شىبىنداردان بۇرىن ولاردىڭ دەرناسىلدەرى باعالى.
ول ءونىمنىڭ قۇرامىندا 40 پروسەنت پروتەين، 30 پروسەنت بەلوك، قالعان پروسەنتى ەڭ قاجەتتى امين قىشقىلدارى بولىپ تابىلادى. ءبىر كيلوگرامم اقۋىز الۋ ءۇشىن شىبىن دەرناسىلىنە 400 گرامم جۇگەرى كەتسە، سيىرعا 45،3 كگ جۇگەرى كەرەك. 1 كيلوگرامم اقۋىز الۋ ءۇشىن دەرناسىلگە 5400 ليتر سۋ كەتسە، سيىرعا 110 000 ليتر سۋ كەرەك. ولار از قورەكتەن پايدالى كوپ ءونىم وندىرەدى.
«وسى ءونىمدى تۇتىنعان قۇستار، بالىقتار، بىرىنشىدەن، اۋىرمايدى، ەكىنشىدەن، ماسساسىن، ەتىن كوبىرەك جينايدى، ۇشىنشىدەن، جۇمىرتقا سالۋى جيىرەك بولادى. ياعني كۇنىنە ءبىر جۇمىرتقا سالاتىن بولسا، ءبىزدىڭ دەرناسىلدەردىڭ ارقاسىندا كۇنىنە ەكى جۇمىرتقاعا دەيىن سالاتىن بولادى»، - دەيدى بيوتەحنولوگ، PHD دوكتورى سەرىكحان ايدارحان ۇلى
«ءبىر ءتۇپ قيارعا 200-300 گرامم قولدانادى. مالدىڭ، تاۋىقتىڭ قيىن الاتىن بولساق، 2-3 كگ سالىنادى ءبىر تۇپكە»، - دەيدى بيوتەحنولوگيا ماگيسترى سابىر تەمىربايەۆ.
«بۇل ءۇردىس الەمنىڭ باسقا ەلدەرىندە دە جۇزەگە اسۋدا. ەندى ءبىز بۇل شىبىنداردى مەديسينادا قولدانۋدى قولعا الىپ جاتىرمىز. بولاشاقتا كوسمەتولوگيا سالاسىندا دا زەرتتەۋ جۇرگىزبەكپىز»، - دەيدى عالىمدار.
ءبىر قىزىعى، ەكولوگياعا دا، قالتاعا دا پايداسى مول بۇل جوبانى ءۇي جاعدايىندا دا جاساۋ وڭاي ەكەن.