ءقازىر تەلەفون، الەۋمەتتىك جەلى ارقىلى تانىس ادامنىڭ اتىنان حابارلاسىپ، اقشا سۇرايتىن الاياقتار كوبەيدى.
Cisco Systems كومپانياسىنىڭ اقپاراتتىق قاۋىپسىزدىك جونىندەگى ساراپشىسى الەكسەي لۋكاسكيي تەلەفون الاياقتارى وزدەرىنىڭ ناقتى ءنومىرىن جاسىرا وتىرىپ، اقشا سۇراعان كەزدە قوڭىراۋعا قالاي جاۋاپ بەرۋ كەرەكتىگىن ايتىپ بەردى، دەپ حابارلايدى Almaty-akshamy.kz
ريا نوۆوستيگە سۇحبات بەرگەن ساراپشى الاياق ءوزىنىڭ بولاشاق قۇربانىنا قوڭىراۋ شالعان كەزدە، شىعىس ءنومىردى وزگەرتۋ ءۇشىن ارنايى قولدانبانى پايدالانا الادى، دەپ ءتۇسىندىردى.
الاياقتىق جوسپارىنا قاراي، الاياق اڭگىمەلەسۋشىگە دوسىنىڭ اتىنان دا، بانك قىزمەتكەرىنىڭ اتىنان دا حابارلاسا الادى.
«ابونەنتتەردىڭ جەكە دەرەكتەرى مەزگىل-مەزگىل ينتەرنەتكە تۇسەتىندىكتەن، شابۋىلداۋشىلار وزدەرىنىڭ «كليەنتتەرىنىڭ» تەلەفون تىزىمىندەگى كونتاكتىلەردى شىعىس نومىرلەرى رەتىندە پايدالانا الادى. قاعاز حاتتى پوشتا ارقىلى جىبەرگەن كەزدە، ءبىز كەز كەلگەن جىبەرۋشىنىڭ مەكەنجايىن كورسەتە الامىز. تەلەفوندارعا دا ءقازىر وسىنداي جاعداي جاسالىپ تۇر. ارنايى قوسىمشانى پايدالاناتىن الاياقتار شىعىس تەلەفون ءنومىرىن كەز كەلگەن نومىرگە اۋىستىرا الادى»، - دەدى لۋكاسكيي.
ماماننىڭ ايتۋىنشا، بەيتانىس ادامنىڭ تانىس نومىردەن قوڭىراۋ شالىپ جاتقانىن انىقتاۋ وتە قيىن. ەگەر قوڭىراۋ شالعان ادامنىڭ اڭگىمەسى كۇدىك تۋدىرسا، قالاي ارەكەت ەتۋ كەرەكتىگىن ايتتى.
«شىن مانىندە، بىزدە ءبىر عانا نۇسقا بار. ەگەر ولار سىزدەن، مىسالى، اقشا اۋدارۋ سياقتى بەلگىلى ءبىر زيان كەلتىرۋى مۇمكىن ارەكەت جاساۋىڭىزدى قالاسا، ەڭ وڭاي جولى — ونىڭ اتىنان قوڭىراۋ شالىپ جاتقان ادامعا كەرى قوڭىراۋ شالۋ»، - دەدى لۋكاسكيي.