قازاقستاندا قوعام تىنىشتىعى مەن قاۋىپسىزدىگىن قامتۋ ءۇشىن قانشا كولەمدە بەينەباقىلاۋ كامەراسى كەرەك؟ بۇل سۇراققا ەلىمىزدىڭ ىشكى ىستەر ءمينيسترىنىڭ ورىنباسارى ساكەن سارسەنوۆ جاۋاپ بەردى، دەپ حابارلايدى almaty-akshamy.kz
«ەلىمىزدە جاپپاي بەينەباقىلاۋ جۇيەسىمەن قامتۋدى بەلسەندى تۇردە جۇزەگە اسىراتىن بولامىز. وسى ورايدا 100 تۇرعىنعا 15 بەينەباقىلاۋ كامەراسىنان كەلەتىن حالىقارالىق تاجىريبەنى زەرتتەدىك. بىزگە ول كورسەتكىشكە جەتۋ ءۇشىن، رەسپۋبليكا بويىنشا شامامەن 2 ميلليون 795 مىڭ بەينەباقىلاۋ كامەراسىن ورناتۋ قاجەت. اسىرەسە، بەينەباقىلاۋ جۇيەسىنىڭ ادام كوپ شوعىرلاناتىن، قوعامدىق ورىنداردا ءجيى بولعانى ءجون. سەبەبى بەينەباقىلاۋ كامەرالارىنىڭ ارقاسىندا قوعامدىق ورىنداردا جاسالاتىن قىلمىس 2019 جىلى 14%-عا، وتكەن جىلى جىلى 51%-عا جانە بيىلعى جىلدىڭ 9 ايىندا 29،8%-عا ازايعان»، - دەدى ساكەن سارسەنوۆ وكق-دە وتكەن باسپا ءسوز ءماسليحاتىندا.
ونىڭ ايتۋىنشا، بۇگىندە ەل بويىنشا قوعامدىق ورىنداردا 625 مىڭنان استام بەينەباقىلاۋ كامەراسى ورناتىلعان.