الماتىنىڭ سامعاۋ ىقشاماۋدانىندا تۇرعىنداردى الاڭداتقان وقيعا تىركەلدى، - دەپ حابارلايدى Aqshamnews.kz.
قۇربىلارىمەن سەرۋەندەپ جۇرگەن جاس قىزدار اتكەنشەكتىڭ استىندا جاتقان ۇلكەن قاپتى بايقاپ، باستاپقىدا ونى قوقىس دەپ ويلاعان. ولار قاپتىڭ ۇستىنە وتىرىپ، اياقتارىمەن تەپكىلەگەنىمەن، ەشقانداي قوزعالىس بايقالماعان. تۇنگى ۋاقىتتا بالالار الاڭىنىڭ جانىندا قاپتىڭ ىشىندە جاتقان ەر ادامنىڭ ۆيدەوسى الەۋمەتتىك جەلىدە تاراپ ءجۇر.
بىرنەشە مينۋتتان كەيىن قاسىنان ءوتىپ بارا جاتقان باسقا قىزدار: «قاراڭدارشى، ىشىندە ادام جاتىر عوي» دەپ ەسكەرتكەندە عانا جاسوسپىرىمدەر شوشىپ قالعان. ولار ءبىراز ۋاقىت وسى ماڭدا وتىرعاننان كەيىن جولدان وتكەن جىگىتتەن قاپتى اشۋدى سۇرايدى. سول ساتتە قاپتىڭ ىشىنەن كەنەتتەن ادامنىڭ داۋىسى شىعادى.
«مەن سەندەرگە كەدەرگى جاساپ تۇرمىن با؟» – دەگەن ەر ادامعا قىزدار «ءيا» دەپ جاۋاپ بەرگەندە، ول: «وندا ءارى قاراي تەۋىپ وتىرا بەرىڭدەر» دەپ جاۋاپ قاتقان. قورىققان قىزدار قاشا جونەلگەن.
جاسوسپىرىمدەردىڭ ءبىرى پوليسياعا قوڭىراۋ شالىپ، ءتارتىپ ساقشىلارى 15 مينۋت ىشىندە وقيعا ورنىنا جەتكەن. ءدال وسى كەزدە قاپتاعى ەر ادام سىرتقا شىعىپ، قاشپاق بولعانىمەن، پوليسيا قىزمەتكەرلەرى ونى قۋىپ ءجۇرىپ ۇستاعان.
وقيعاعا بايلانىستى Aqshamnews.kz الماتى قالالىق پوليسيا دەپارتامەنتىنىڭ باسپا ءسوز قىزمەتىنەن تۇسىنىكتەمە الدى.
«7 قىركۇيەك كۇنى ەر ادام پوليسيا قىزمەتكەرلەرىمەن الاتاۋ اۋداندىق پوليسيا باسقارماسىنا جەتكىزىلدى. ونىڭ ايتۋىنشا، قاتتى شارشاعاندىقتان ۇيىقتاپ قالعان. قوعامدىق ءتارتىپتى بۇزعانى ءۇشىن ول اكىمشىلىك جاۋاپكەرشىلىككە تارتىلدى»، – دەلىنگەن پوليسيا دەپارتامەنتىنىڭ حابارلاماسىندا.
قالالىق پوليسيا دەپارتامەنتى تۇرعىنداردى قىراعى بولۋعا شاقىرىپ، كۇماندى جاعدايلار تۋىنداعان كەزدە دەرەۋ 102 نومىرىنە حابارلاسۋدى ەسكەرتتى.