شىمكەنتتە سۋديالىق ادەپ جونىندەگى كوميسسيا قالا اكىمىنىڭ ورىنباسارى رۋسلان بەردەنوۆكە قاستاندىق جاساۋ ءىسى بويىنشا پروسەستى جۇرگىزگەن سۋديا ءابينۇر قارابايەۆقا قاتىستى شەشىم قابىلدادى، دەپ حابارلايدى Aqshamnews.kz ءتىلشىسى Tengrinews.kz-كە سىلتەمە جاساپ.
شىمكەنت قالالىق سوتىنىڭ باسپا ءسوز قىزمەتى حابارلاعانداي، تەكسەرۋ ماتەريالدارى رەسپۋبليكانىڭ جوعارى سوت كەڭەسى جانىنداعى سوت القاسىنا جولداندى.
"سۋديالىق ادەپ جونىندەگى كوميسسيا سۋديا ءابينۇر قارابايەۆقا قاتىستى تەكسەرۋ ماتەريالدارىن قازاقستاننىڭ جوعارى سوت كەڭەسى جانىنداعى سوت القاسىندا ءمانى بويىنشا قاراۋعا جىبەرۋ تۋرالى شەشىم قابىلدادى. بۇل شەشىم ءالى زاڭدى كۇشىنە ەنگەن جوق، سۋديا قارابايەۆ وعان قارسى شاعىم تۇسىرە الادى"، – دەلىنگەن حابارلامادا.