بۇگىن – ۇلت عىلىمىنىڭ الىبى، كورنەكتى عالىم، اكادەميك قانىش يمانتاي ۇلى ساتبايەۆتىڭ تۋعان كۇنى. ول 1899 جىلى 12 ساۋىردە دۇنيەگە كەلىپ، بۇكىل ءومىرىن قازاقستانداعى عىلىمدى، اسىرەسە گەولوگيا سالاسىن دامىتۋعا ارنادى. بۇل تۋرالى Aqshamnews.kz سايتى حابارلايدى.
قازاق عىلىمىنىڭ نەگىزىن قالاۋشى
قانىش ساتبايەۆ – قازاقستانداعى گەولوگيالىق عىلىم مەكتەبىنىڭ نەگىزىن قالاۋشى، گەولوگيا-مينەرالوگيا عىلىمدارىنىڭ دوكتورى، پروفەسسور، قازاق كسر عىلىم اكادەمياسىنىڭ ۇيىمداستىرۋشىلارىنىڭ ءبىرى ءارى تۇڭعىش پرەزيدەنتى. ونىڭ باستاماسىمەن ەلىمىزدە عىلىمي-زەرتتەۋ ينستيتۋتتارى قۇرىلىپ، جۇيەلى عىلىمي مەكتەپ قالىپتاستى.
ول جەزقازعاننىڭ مول مىس كەن ورىندارىن زەرتتەپ، بۇل ايماقتىڭ الەمدىك دەڭگەيدەگى ستراتەگيالىق ماڭىزىن دالەلدەدى. ساتبايەۆتىڭ ەڭبەكتەرى تەك قازاقستاندا عانا ەمەس، حالىقارالىق گەولوگيالىق قاۋىمداستىقتا دا جوعارى باعالانعان.
قانىش ساتبايەۆتىڭ عىلىمي مۇراسى
اكادەميك ساتبايەۆتىڭ عىلىمي مۇراسى – قازاقستان عىلىمىنىڭ تۇعىرى. ول:
- جەزقازعان كەن ورنىن كەشەندى زەرتتەپ، كەن ءوندىرۋدى جۇيەلى دەڭگەيگە جەتكىزدى؛
- قازاقستاننىڭ مينەرالدى رەسۋرستار كارتاسىن جاساۋعا جەتەكشىلىك ەتتى؛
- قازاق تىلىندە گەولوگيا بويىنشا وقۋلىقتار جازىپ، بولاشاق زەرتتەۋشىلەرگە جول اشتى؛
- قازاقستان عىلىم اكادەمياسىن قۇرىپ، ونى ۇلتتىق عىلىمنىڭ نەگىزگى ورتالىعىنا اينالدىردى.
ونىڭ باستاماسىمەن كوپتەگەن جاس عالىمدار شەتەلدە ءبىلىم الىپ، وتاندىق عىلىمعا جاڭا لەپ اكەلدى.
عالىمعا كورسەتىلگەن قۇرمەت
قانىش ساتبايەۆتىڭ ەسىمى بۇگىندە تەك عىلىمي قاۋىمداستىققا عانا ەمەس، بارشا ەلگە بەلگىلى. ونىڭ قۇرمەتىنە:
- الماتى قالاسىندا ورنالاسقان قانىش ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى (قازۇتزۋ) جۇمىس ىستەيدى؛
- جەزقازعانداعى ءىرى كەن ورىندارى مەن ءبىرقاتار كوشەلەرگە، ەلدى مەكەندەرگە ەسىمى بەرىلگەن؛
- عىلىمي-زەرتتەۋ ينستيتۋتتارى مەن قورلار ساتبايەۆتىڭ عىلىمي مۇراسىن زەرتتەۋدى جالعاستىرىپ كەلەدى.
قانىش ساتبايەۆ – عىلىم جولىندا ايانباي ەڭبەك ەتىپ، ۇلتتىق عىلىمي مەكتەپتىڭ نەگىزىن قالاعان ءبىرتۋار تۇلعا. ونىڭ تۋعان كۇنى – 12 ءساۋىر بۇگىندە قازاقستانداعى عىلىم قىزمەتكەرلەرى كۇنى رەتىندە رەسمي تۇردە اتالىپ وتەدى. بۇل – ۇلتتىڭ عىلىمعا، بىلىمگە دەگەن قۇرمەتىنىڭ، ساتبايەۆ ەڭبەگىنە دەگەن تاعزىمىنىڭ ايقىن كورىنىسى.