قانداي ءونىم تۇرلەرى كوڭىل-كۇيدى كوتەرەدى؟

كەيبىر دارۋمەندەردىڭ جەتىسپەۋشىلىگى كۇيزەلىس پەن ۇيقىنىڭ بولماۋىنا، ديەتانىڭ بۇزىلۋىنا الىپ كەلەدى. 

دارىگەر ءبىزدىڭ كوڭىل-كۇيىمىز دەنەدەگى نەيروترانسميتتەرلەردىڭ مولشەرىنە تىكەلەي بايلانىستى ەكەنىن جانە ولاردىڭ دەڭگەيىن قانداي تاعامدارمەن تەڭەستىرۋگە بولاتىنىن ايتتى، دەپ حابارلايدى Almaty-akshamy.kz Elorda.info-عا سىلتەمە جاساپ.

سەروتونين، نورادرەنالين، دوفامين، ەندورفين جانە تريپتوفان از بولعان سايىن كوڭىل-كۇي ناشارلايدى. ولاردىڭ جەتىسپەۋشىلىگى سترەسسكە، ۇيقىنىڭ بولماۋىنا، سونداي-اق ديەتانىڭ بۇزىلۋىنا الىپ كەلەدى.

ديەتولوگتىڭ ايتۋىنشا، تاۋىق ەتى، سيىر ەتى سياقتى تاعامدار جاقسى كوڭىل-كۇيدى ساقتاۋعا كومەكتەسەدى. ويتكەنى ولار ۆ12 ءۆيتامينىنىڭ كوزى بولىپ تابىلادى. ال تيروزين امين قىشقىلى اعزاداعى دوفامين دەڭگەيىن ارتتىرادى. تەڭىز بالدىرى ۆ دارۋمەندەرىنىڭ كوپ مولشەرىن قامتيدى. ولار بۇيرەك ءۇستى بەزدەرىنىڭ جۇمىسىنا كومەكتەسەدى. ادرەناليننىڭ تەڭدەستىرىلگەن دەڭگەيىنىڭ ارقاسىندا ءسىز شامادان تىس شارشاۋ مەن جامان كوڭىل-كۇيدى ۇمىتا الاسىز.

فوسفور، كاليي، ماگنيي جانە تەمىر بار باناننىڭ پايداسى مول. ءبىراق بۇل جەمىستىڭ ەڭ ماڭىزدى ارتىقشىلىعى - ادام اعزاسىنا سەروتونينگە اينالاتىن تريپتوفان بەرەدى. س ۇلى جارماسى مەن قاراقۇمىق بوتقاسى دا وسى زاتقا باي، سونىمەن قاتار ولار قانداعى قانت دەڭگەيىن بىركەلكى ەتە الادى. ال مي جاسۋشالارىنىڭ جۇمىس ىستەۋىنە كومەكتەسەتىن ومەگا-3 ماي قىشقىلدارى جاڭعاقتاردا كەزدەسەدى.