الماتى اكىمىنىڭ الاتاۋ اۋدانى تۇرعىندارىمەن كەزدەسۋىندە قاريا شاھار باسشىسىنان شوبەرەسىنىڭ تۇساۋىن كەسىپ بەرۋدى ءوتىندى.
جيىندا اۋدان تۇرعىنى سەرىك قارمىسبايەۆ اتتى قاريا اكىمنەن شوبەرەسىنىڭ تۇساۋىن كەسىپ بەرۋىنە ءوتىنىش ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«اينالايىن ەربولات بالام! مەنىڭ ءبىر شوبەرەم بار ەدى. سونىڭ تۇساۋىن كەسىپ بەرىڭدەرشى وسى جەردە. ءبىر ايتايىن دەگەنىم. كوپ راحمەت»، - دەدى اقساقال.
ەربولات دوسايەۆ قاريانىڭ ءسوزىن جەرگە تاستاماي، ءوتىنىشىن ورىنداپ، ءبۇلدىرشىننىڭ تۇساۋىن كەستى. كەيىن اقساقال قازاقى داستۇرمەن بالاعا باتاسىن بەردى.
«تۇساۋىڭ كەسىلدى قۇلاما، تىزەڭدى جارالاپ، جىلاما. قۇلىنداي قۇلدىراڭداپ جۇگىرشى، كانەكي ءوزىڭدى سىنا دا. سەكىرسەڭ قۇزدان سۇرىنبە، شىڭ قۇزعا شىققاندا بۇگىلمە. بولاتتاي قابىرعاڭ قاتايسىڭ، وت، جالىن ويناسىن تۇرىندە. اللا تاعالام باۋىرجاننىڭ باتىرلىعىن بەرسىن، ابايدىڭ اقىندىعىن بەرسىن، كۇلاشتىڭ انشىلىگىن بەرسىن، تابانىڭ جەردەن تايماسىن. وزىڭدەي سياقتى ەربولات، ءبىر جەردەن شىعاتىن ۇلكەن ازامات بولسىن! اللاھۋ اكبار»، - دەپ باتاسىن بەردى قاريا.
ەسكە سالايىق، كەشە الماتى اكىمى ەربولات دوسايەۆ قالانىڭ الاتاۋ اۋدانىنىڭ تۇرعىندارىمەن كەزدەستى.