قازاقستاندىق تەننيسشى مادريد ءتۋرنيرىنىڭ ەكىنشى اينالىمىنا شىقتى

قازاقستاندىق، الەمنىڭ 44-راكەتكاسى يۋليا پۋتينسيەۆا مادريد WTA 1000 ءتۋرنيرىن جەڭىسپەن باستادى.

قازاقستاندىق تەننيسشى العاشقى اينالىمدا الەمنىڭ 48-راكەتكاسى، امەريكالىق شەلبي رودجەرسپەن كەزدەستى. ءبىرىنشى پارتيادا ەسەپ 5:5 بولعان مەزەتتە يۋ.پۋتينسيەۆا تاعى ءبىر برەيككە قول جەتكىزىپ، سوسىن وسى باسىمدىعىن ساقتاپ قالدى – 7:5. ەكىنشى سەتتى دە برەيكپەن باستاعانىمەن، قارسىلاسى تارازى باسىن تەڭەستىرە ءبىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

دەگەنمەن ەسەپ 5:5 بولعاندا، يۋليا تاعى ءبىر برەيك جاساپ، سوسىن ماچ-پوينتىن قۇر جىبەرگەن جوق – 7:5. ەكى ساعاتقا سوزىلعان تارتىستى باسەكە بارىسىندا يۋ.پۋتينسيەۆا ەيس جاساماعانىمەن، 12 برەيك-پوينتتىڭ بەسەۋىن پايدالاندى. قارسىلاسى 6 ەيس، 3 برەيكپەن (8 برەيك-پوينت) كوزگە ءتۇستى.

قازاقستاندىق سپورتشى ءۇشىنشى اينالىمعا شىعۋ ءۇشىن الەمنىڭ 16-راكەتكاسى، تاعى ءبىر امەريكالىق كوري گاۋفپەن تالاسادى. ول باستاپقى كەزدەسۋىندە سلوۆاكيالىق اننا شميدلوۆادان ايلاسىن اسىردى – 6:0، 6:2. قازاقستاننىڭ ءبىرىنشى، الەمنىڭ 18-راكەتكاسى ەلەنا رىباكينا ەرتەڭ دۇنيەجۇزىلىك رەيتينگتە 93-ورىندا تۇرعان فرانسيالىق وسەان دودەنمەن وينايدى.

جۇلدە قورى 6،5 ملن ەۋرودان اساتىن ءىرى جارىس 7 مامىردا مارەگە جەتەدى.