قۇجات اياسىندا الماتىعا قاتىستى ءتيىستى شەشىمدەر ەسكەرىلگەن.
الماتىدا كەلىسىلگەن قالا قۇرىلىسى ساياساتىن جۇرگىزۋ ءۇشىن شاھاردىڭ ديزاين-كودى بەكىتىلەدى، دەپ حابارلايدى Almaty-akshamy.kz
بۇل تۋرالى سەناتتىڭ جالپى وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ءمالىم ەتتى.
«الماتى قالاسىنا قاتىستى تۇزەتۋلەرى بويىنشا قالا قۇرىلىسى كەڭەسىن ەنگىزۋ جانە قالانىڭ ديزاين-كودىن قابىلداۋ ۇسىنىلادى. بۇل مەگاپوليس پروبلەمالارىن شەشۋ ءارى قالا تۇرعىندارىنىڭ ءومىر ءسۇرۋ جاعدايلارىن جاقسارتۋ بويىنشا كەلىسىلگەن قالا قۇرىلىسى ساياساتىن جۇرگىزۋگە مۇمكىندىك بەرەدى، سونداي-اق ءبىرىڭعاي ساۋلەتتىك كەلبەت بەرۋدى قامتاماسىز ەتەدى»، - دەدى ق. وسكەنبايەۆ.
سونىمەن قاتار ول مۇلىكتى زاڭداستىرۋ پروبلەمالارىن شەشۋ ءۇشىن جىلجىمايتىن مۇلىكتى رەسىمدەۋ ماسەلەلەرىن قاراۋ جونىندەگى كوميسسيا قۇرۋ ۇسىنىلىپ وتىرعانىن ايتتى.
«ازاماتتاردىڭ قاۋىپسىزدىگىن قامتاماسىز ەتۋ ءۇشىن مەنشىك يەلەرىنىڭ كەلىسىمى بولعان جاعدايدا، ازاماتتار كوپ جينالاتىن جەرلەردە بەينەكامەرالار ورناتۋ جانە بەينەباقىلاۋ مونيتورينگىن جۇرگىزۋ قاعيدالارىن بەكىتۋ ۇسىنىلدى. بۇل مەگاپوليس اۋماعىن بەينەمونيتورينگپەن بارىنشا قامتۋدى قامتاماسىز ەتۋگە مۇمكىندىك بەرەدى»، - دەدى ۆەدومستۆو باسشىسى.