قازاقستان پرەزيدەنتى حالىقارالىق كومپانيالاردىڭ باسشىلارىمەن كەزدەسۋ وتكىزدى

كومپانيا باسشىلارى جوسپارلارىمەن ءبولىستى.

مەملەكەت باسشىسى قاسىم-جومارت توقايەۆ حالىقارالىق كومپانيالاردىڭ باسشىلارىمەن ءبىرقاتار كەزدەسۋ وتكىزدى، دەپ حابارلايدى Almaty-akshamy.kz اقورداعا سىلتەمە جاساپ.

پرەزيدەنت قاسىم-جومارت توقايەۆ شەتەلدىك ينۆەستورلار كەڭەسىنىڭ 34-وتىرىسى قارساڭىندا «Fortescue Future Industries» كومپانياسىنىڭ نەگىزىن قالاۋشى ءارى ديرەكتورلار كەڭەسىنىڭ ءتوراعاسى ەندريۋ فوررەستى، سونداي-اق «پوليمەتالل ۋك» اكسيونەرلىك قوعامىنىڭ پرەزيدەنتى يگور فينوگەنوۆتى قابىلدادى.

ەندريۋ فوررەستپەن كەزدەسۋ بارىسىندا كومىرتەگىن از پايدالانا وتىرىپ دامۋ ماسەلەسى تالقىلاندى. بۇل – قازاقستاننىڭ ستراتەگيالىق ماقساتتارىنىڭ ءبىرى. «Fortescue Future Industries» كومپانياسى ديرەكتورلار كەڭەسىنىڭ ءتوراعاسى پرەزيدەنتكە كومپانيانىڭ ەلىمىزدەگى جەل ەنەرگەتيكاسى جانە جاسىل سۋتەگىن ءوندىرۋ جوبالارىنا ينۆەستيسيا سالۋ جوسپارى تۋرالى ايتتى.

يگور فينوگەنوۆ قاسىم-جومارت توقايەۆقا الەمدەگى ءىرى تاۋ-كەن جانە التىن ءوندىرۋشى كومپانيالاردىڭ قاتارىنا كىرەتىن «پوليمەتالل ۋك» اكسيونەرلىك قوعامىنىڭ جۇمىسى تۋرالى مالىمەت بەردى. كاسىپكەر مەملەكەت باسشىسىنا گەولوگيالىق بارلاۋ جۇمىستارىن جۇرگىزۋ جانە كۇن ەلەكتر ستانسيالارىن سالۋ جونىندەگى جوسپارىن ايتتى.