14-15 قىركۇيەك ارالىعىندا قالا كۇنى مەرەكەسى اياسىندا الماتى قالاسىنىڭ تۋريزم باسقارماسى، الماتى حالىقارالىق اۋەجايى جانە ق ر ۇقك الماتى قالاسى شەكارالىق باقىلاۋ باسقارماسىمەن بىرلەسە وتىرىپ، «الماتىنىڭ سيمۆولى – سىيلىققا» اتتى اكسيا وتكىزەدى، دەپ حابارلايدى aqshamnews.kz
پاسپورتتىق باقىلاۋ ايماعىندا حالىقارالىق رەيستەردىڭ جولاۋشىلارىنا الماتىنىڭ جىلۋى مەن قوناقجايلىعىن بىلدىرەتىن «اپورت» سۇرىپتى المالار ۇسىنىلادى. اكسيا اياسىندا شامامەن 10 مىڭ جولاۋشى مەن 50-دەن استام رەيس قامتىلادى.
قالالىق تۋريزم باسقارماسىنىڭ وكىلدەرى اتاپ وتكەندەي، وسىنداي اكسيالار تۋريستەر ءۇشىن ەرەكشە اتموسفەرا قالىپتاستىرۋعا، ولاردىڭ كەلۋ ساتىنەن باستاپ الماتىنىڭ بىرەگەيلىگى مەن قوناقجايلىعىن كورسەتۋگە كومەكتەسەدى.
2024 جىلدىڭ 1-توقسانىندا تۋريستەردىڭ جالپى سانى 4،6%-عا ارتىپ، 473،3 مىڭنان استى. (2023 جىلدىڭ 1-توقسانى – 452،1 مىڭ ادام). شەتەلدىك تۋريستەر سانى 3،4%-عا ءوسىپ، 122،8 مىڭ ادامدى قۇرادى (2023 جىلدىڭ 1-توقسانى – 118،7 مىڭ ادام).
قازىرگى ۋاقىتتا الماتى 50 باعىتتا تىكەلەي اۋە رەيستەرىمەن بايلانىسقان جانە 82 ەلدىڭ ازاماتتارى ءۇشىن ۆيزاسىز رەجيم ۇسىنادى، بۇل تۋريستىك اعىننىڭ وسۋىنە ەلەۋلى ىقپالىن تيگىزىپ، قالانى شەتەلدىك قوناقتار ءۇشىن قولجەتىمدىرەك ەتپەك.