قاجىمۇقان ءفيلمى قالىڭ قاراشاعا جول تارتتى.
بەلگىلى رەجيسسەر قاناعات مۇستافين تاسپالاعان تۋىندى قازاقتان شىققان تۇڭعىش كاسىبي بالۋان، الىپ كۇش يەسى قاجىمۇقان مۇڭايتپاس ۇلىنىڭ ومىرىنەن سىر شەرتەدى، دەپ حابارلايدى aqshamnews.kz 24.kz-كە سىلتەمە جاساپ.
تاريحي شىعارما ەلدەگى 80 كينوتەاتردان كۇنىنە 200 رەت كورسەتىلۋدە. كەيىپكەردىڭ جاس جانە قارت شاعىن، اعايىندى دياس پەن ەربول تولەپبەرگەنوۆتەر سومداعان. ال ءفيلمدى تۇسىرۋگە 80-نەن استام مامان مەن 40-قا جۋىق اكتەر قاتىسقان. جوبا قۇنى 600 ملن تەڭگە.
قاناعات مۇستافين، «قاجىمۇقان» ءفيلمىنىڭ رەجيسسەرى:
- بۇل جوبانى نەگىزى مەن 12 جىلدان باستاپ دايىنداپ كەلە جاتىرمىن، سەنارييىن جازدىم. 2019 جىلى ۇلتتىق كينونى قولداۋ قورى اشىلعان كەزدە وسى جوبامەن قاتىسىپ، جەڭىپ الىپ، 20-جىلى تۇسىرە باستادىم. نەگىزگى ماقسات وسى كينونى قاراپ جاسوسپىرىمدەر وسىنداي قاجەكەڭ سياقتى، قاجىمۇقان بابامىز سياقتى الەم چەمپيونى بولساق، بۇكىل الەمگە قازاقتى كورسەتسەك، قازاقتىڭ كۇشىن دەگەن مىڭ ءجاسوسپىرىم شىقسا، مەنىڭ ميسسيام ورىندالدى دەپ سانايمىن.