“قايرات” فۋتبول كلۋبى سىرت الاڭدا “سپورتينگىگە” ەسە جىبەردى، - دەپ حابارلايدى Aqshamnews.kz ءتىلشىسى.
“قايرات” ويىنشىسى ەدميلسون 86 مينۋتتا گول سوقتى.
ماچ قورىتىندىسى بويىنشا ليسسابوندىق “سپورتينگ” 4:1 ەسەبىمەن جەڭىسكە جەتتى. پورتۋگاليالىق كلۋبتىڭ چەمپيوندار ليگاسىنداعى كەلەسى قارسىلاسى – يتاليالىق “ناپولي”. ويىن 2 قازاندا يتاليادا وتەدى.
ال “قايرات” ءوز توبىنىڭ ەڭ مىقتى كلۋبى – مادريدتىك “رەالمەن” كەزدەسەدى. قازاقستاندىق كوماندا “كورولدىك كلۋبتى” 30 قىركۇيەكتە الماتىداعى “ورتالىق” ستاديوندا قابىلدايدى.
ايتا كەتەيىك، العاشقى تۋر قورىتىندىسى بويىنشا الماتىلىق “قايرات” تۋرنير كەستەسىندە بەرگامونىڭ “اتالانتاسىمەن” بىرگە 36-ورىندى ءبولىسىپ تۇر. قورجىنىندا – تەرىس كورسەتكىش، ياعني مينۋس 4 ۇپاي بار.