«ازاماتتارعا ارنالعان ۇكىمەت» مەملەكەتتىك كورپوراسياسى مەملەكەتتىك قىزمەتتەردى كورسەتۋ ۇدەرىستەرىن جەتىلدىرۋگە جانە زاماناۋي تاجىريبەلەردى ەنگىزۋگە باعىتتالعان وقىتۋ ءىس-شارالارىن تۇراقتى تۇردە وتكىزىپ كەلەدى.
2025 جىلدىڭ باسىنان بەرى كورپوراسيا مەملەكەتتىك ورگانداردىڭ قىزمەتكەرلەرىنە كاسىبي داعدىلارىن دامىتۋعا، ساپالى ءارى اشىق مەملەكەتتىك قىزمەت كورسەتۋگە مۇمكىندىك بەرەتىن ءبىرقاتار وقىتۋلاردى ىسكە اسىرۋدا.
اتالعان كەزەڭدە كورپوراسيانىڭ فرونت-وفيستەرىندە مەملەكەتتىك ورگان وكىلدەرىنىڭ قاتىسۋىمەن 43 وقىتۋ ءىس-شاراسى وتكىزىلدى. بۇل سەمينارلار تاجىريبە الماسۋعا، ءبىرىڭعاي جۇمىس ستاندارتتارىن قالىپتاستىرۋعا جانە قىزمەت كورسەتۋدىڭ جاڭا تاسىلدەرىن ەنگىزۋگە ىقپال ەتتى.
سونداي-اق، 4-5 قىركۇيەك كۇندەرى استانادا «تانىم» كورپوراتيۆتىك وقۋ ورتالىعى ەكى كۇندىك سەمينار وتكىزدى. باعدارلاما kenes1414 جانە «ە-وتىنىش» ءبىلىم بازالارىمەن جۇمىس، ىشكى پروسەستەردى وڭتايلاندىرۋ جانە ەلەكتروندىق ۇكىمەت پورتالىنىڭ سەرۆيستەرىن پايدالانۋ ماسەلەلەرىن قامتىدى.
سەمينارعا باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ وكىلدەرى قاتىسىپ، مەملەكەتتىك ورگاندارداعى وتىنىشتەردى تىركەۋ مەن ەسەپكە الۋ ءتارتىبىن ءتۇسىندىردى. سونىمەن قاتار، ادىلەت مينيسترلىگىنىڭ ماماندارى اكىمشىلىك راسىمدىك-پروسەستىك كودەكستىڭ قولدانىلۋى بويىنشا تۇسىندىرمە جۇمىستارىن جۇرگىزدى. پراكتيكالىق بولىمدە قاتىسۋشىلار «ە-وتىنىش» جۇيەسى ارقىلى ازاماتتاردىڭ وتىنىشتەرىمەن جۇمىس ىستەۋدى ۇيرەندى.
ءىس-شارا قورىتىندىسى بويىنشا قاتىسۋشىلارعا «ە-وتىنىش: ازاماتتاردىڭ وتىنىشتەرىمەن جۇمىس ىستەۋ ادىستەمەسى مەن تاجىريبەسى» باعدارلاماسىن اياقتاعانى تۋرالى سەرتيفيكاتتار تابىستالدى.
وسىلايشا، ءبىلىم بەرۋ باعدارلامالارىن دامىتۋ مەملەكەتتىك كورپوراسيا جۇمىسىنىڭ ماڭىزدى باعىتىنا اينالىپ وتىر. بۇل مەملەكەتتىك قىزمەتتەردىڭ ساپاسىن ارتتىرۋعا، قىزمەتكەرلەردىڭ كاسىبي دامۋىنا جانە زاماناۋي تاجىريبەلەردى ەنگىزۋگە ىقپال ەتەدى.