الماتىلىق “قايرات” فۋتبول كلۋبىنىڭ باس باپكەرى رافاەل ورازباحتين كوماندانىڭ نەگىزگى قاقپاشىسى الەكساندر زارۋسكيي ەندى كلۋب ساپىندا ونەر كورسەتپەيتىنىن راستادى، دەپ حابارلايدى اqshamnews.kz ءتىلشىسى.
بۇل تۋرالى ول “قايرات” پەن “وليمپياكوس” اراسىنداعى كەزدەسۋ الدىنداعى باسپا ءسوز ءماسليحاتىندا مالىمدەدى.
“الەكساندر زارۋسكييدىڭ “قايراتپەن” كەلىسىمشارتى اياقتالدى”، – دەپ قىسقا عانا جاۋاپ بەردى باس باپكەر.
ەسكە سالايىق، زارۋسكيي “قايراتتىڭ” سىرت الاڭدا “سەلتيككە” قارسى وتكەن ويىنىندا اۋىر جاراقات الىپ، سودان بەرى جاسىل الاڭعا ورالعان جوق. كەيىن “سەلتيككە” قارسى الماتىدا وتكەن ماچتە قاقپانى تەمىرلان اناربەكوۆ قورعادى.
الەكساندر زارۋسكيي چەمپيوندار ليگاسىنىڭ پلەي-وفف كەزەڭىندە ەرەكشە كوزگە تۇسكەن قاقپاشىلاردىڭ ءبىرى بولدى. ول ىرىكتەۋ ويىندارىندا “قايراتتىڭ” قاقپاسىن بىرنەشە گولدان امان ساقتاپ، پەنالتي سەريالارىندا دا بىرنەشە سوققىنى قايتارىپ، كومانداعا ۇلكەن كومەگىن تيگىزدى. سونىمەن قاتار كلۋبتىڭ چەمپيوندار ليگاسىنىڭ نەگىزگى كەزەڭىنە جولداما الۋىنا زور ۇلەس قوستى.