قازاقستاندا سىبايلاس جەمقورلىققا قارسى كۇرەس - مەملەكەتتىك ساياساتتىڭ باستى باعىتتارىنىڭ ءبىرى. قۇقىق قورعاۋ ورگاندارى، باقىلاۋ مەكەمەلەرى جانە سوت جۇيەسى قىلمىستىق قۇقىق بۇزۋشىلىقتاردى انىقتاۋ، الدىن الۋ جانە جازالاۋ بويىنشا جۇيەلى جۇمىس جۇرگىزەدى. سوعان قاراماستان، جىل سايىن جاڭا دەرەكتەر تىركەلىپ، جەمقورلىق "قوعامدىق دەرتكە" اينالىپ بارادى. Aqsamnews.kz رەداكسياسى بۇعان قاتىستى باس پروكۋراتۋراعا رەسمي ساۋال جولداعان ەدى.
"قىلمىستىق قۇقىق بۇزۋشىلىقتار تۋرالى ستاتيستيكالىق ەسەپتىلىكتى كوميتەت ق ر قك جانە ق ر قپك شەڭبەرىندە قالىپتاستىرىپ، كوميتەتتىڭ qamqor.gov.kz اقپاراتتىق سەرۆيسىنىڭ "قۇقىقتىق ستاتيستيكا" بولىمىندەگى "ستاتيستيكالىق ەسەپتەمەلەر" قويىندىسىندا جاريالايدى"، - دەلىنگەن جاۋاپتا.
وعان ساي، ستاتيستيكالىق مالىمەتتەردى جىلدار مەن ايماقتار بويىنشا الۋعا بولاتىنى ەسكەرتىلگەن. جاۋاپتى ورگاننىڭ نۇسقاۋىنا قاراي، سىبايلاس جەمقورلىققا قاتىستى كەيىنگى دەرەكتەردى توپتاپ كوردىك.
قازاقستان بويىنشا قاراشادا قىلمىستىق كودەكستىڭ ءارتۇرلى باپتارى بويىنشا 100 قىلمىستىق قۇقىقبۇزۋشىلىق تىركەلدى. ولاردىڭ ىشىندە سىبايلاس جەمقورلىق قىلمىستارى جەتەكشى ورىن الادى: - 33 پارا بەرۋ دەرەگى، 17 پارا الۋ دەرەگى انىقتالعان.
بۇل كورسەتكىش - تىركەلگەن بارلىق قۇقىقبۇزۋشىلىقتىڭ شامامەن ۇشتەن ءبىر بولىگى.
ق ر ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتىنىڭ مالىمەتىنە ساي، قاراشاداعى ۇقك سىبايلاس جەمقورلىققا قارسى ءىس-قيمىل ناتيجەلەرىنە ساي، وتەلگەن زالال - (اياقتالعان قىلمىستىق ىستەر بويىنشا) 409،6 ملن تەڭگە.
2025 جىلعى سىبايلاس جەمقورلىق قىلمىستارى: قاي سالالاردا ءجيى كەزدەسەدى جانە قانداي باپتار بويىنشا ءوسىم بايقالادى؟
قازاقستاندا تىركەلگەن سىبايلاس جەمقورلىق قىلمىستارى بويىنشا رەسمي دەرەكتەر Qamqor.gov.kz سايتىندا جاڭارتىلىپ وتىرادى. "سىبايلاس جەمقورلىق قىلمىستار، ولاردى جاساعان، سوتتالعان ادامدار، سىبايلاس جەمقورلىق قىلمىستارى جونىندەگى قىلمىستىق ىستەردىڭ قوزعالىسى جانە سىبايلاس جەمقورلىق قۇقىقبۇزۋشىلىقتاردىڭ سۋبەكتىلەرى تۋرالى" №3-ك نىسانىنىڭ 1-4 بولىمدەرىنە جاسالعان تالداۋ ەلدەگى جەمقورلىق احۋالىنىڭ جالپى دەڭگەيىن كورسەتىپ قانا قويماي، قاي سالالاردا جانە قانداي باپتار بويىنشا قۇقىقبۇزۋشىلىقتار ءجيى ورىن الاتىنىن انىقتاۋعا مۇمكىندىك بەرەدى.
1228 قىلمىس تىركەلگەن: سدتبت مالىمەتى
2025 جىلى سوتالدى تەرگەپ-تەكسەرۋلەردىڭ ءبىرىڭعاي تىزىلىمىندە (سدتبت) 1228 سىبايلاس جەمقورلىق قىلمىسى تىركەلگەن.
وندىرىستە بولعان ىستەر سانى - 1698، بۇل سىبايلاس جەمقورلىق ارەكەتتەرىنىڭ ءبىر بولىگى الدىڭعى كەزەڭدەردەن وتكەنىن كورسەتەدى.
تeرگەۋمەن اياقتالعان قىلمىستىق ىستەر - 1037، ونىڭ 937ء-سى سوتقا جولدانعان. بۇل كورسەتكىش تەرگەۋ ورگاندارىنىڭ بەلسەندىلىگىن كورسەتەدى: اياقتالعان ىستەردىڭ 90%-ى سوتقا بەرىلگەن.
قاي قىلمىستار ءجيى جاسالادى؟
2025 جىلعى سىبايلاس جەمقورلىق قۇقىقبۇزۋشىلىقتاردىڭ باسىم بولىگى مىنا باپتار بويىنشا جاسالعان:
1) پارا الۋ - قرقك 366-بابى
ەڭ كوپ تىركەلگەن باپ.
– 373 ءىس (1ء-بولىم)
– 210 ءىس (2ء-بولىم)
– 295 كۇدىكتى (4ء-بولىم)
2) پارا بەرۋ - ق ر قك 367-بابى
پارا الۋمەن قاتار پارا بەرۋ دە جوعارى دەڭگەيدە.
– 457 ءىس (1ء-بولىم)
– 311 كۇدىكتى (4ء-بولىم)
3) لاۋازىمدىق وكىلەتتىكتەردى تەرىس پايدالانۋ - 361-باپ
– 160 ءىس (1ء-بولىم)
– 79 ءىس (2ء-بولىم)
4) بيلىكتى اسىرا پايدالانۋ - 362 باپ
– 59 ءىس (1ء-بولىم)
– 31 ءىس (2ء-بولىم)
5) الاياقتىق (سىبايلاس جەمقورلىق قۇرامىمەن) - 190-باپ
– 272 ءىس
– 175 كۇدىكتى
بۇل قىلمىس اسىرەسە مەملەكەتتىك ساتىپ الۋلار مەن قارجىلىق پروسەستەردە ءجيى بايقالادى.
جالپى العاندا، پاراقورلىق پەن لاۋازىمدىق وكىلەتتىكتەردى تەرىس پايدالانۋ سىبايلاس جەمقورلىقتىڭ نەگىزگى تەتىگى بولىپ وتىرعانى تاعى دا راستالدى.
قاي مەملەكەتتىك ورگاندا جەمقورلىق كوپ تىركەلگەن؟
4ء-بولىم دەرەكتەرى بويىنشا 2025 جىلى سىبايلاس جەمقورلىق قىلمىستارىن جاساعان:
- 1199 ادام – كۇدىكتى،
- 832 ادام – قىلمىس جاساعانى دالەلدەنگەن،
- 704 ادام – سوتقا ايىپتالۋشى رەتىندە جىبەرىلگەن.
سونىڭ ىشىندە 109 ادام – مەملەكەتتىك قىزمەتشىلەر.
جەمقورلىق ءجيى انىقتالعان سالالار:
- ىشكى ىستەر ورگاندارى
- اكىمدىكتەر جانە ولاردىڭ بولىمشەلەرى
- قارجى جانە ەكونوميكالىق باقىلاۋ قۇرىلىمدارى
- ءبىلىم جانە دەنساۋلىق ساقتاۋ سالاسى
- ادىلەت جانە اتقارۋشىلىق ءوندىرىس ورگاندارى
جمەقورلىقتىڭ ءوسۋى نەمەسە تومەندەۋى: قانداي ءۇردىس بايقالادى؟
№3-ك نىسانىندا الدىڭعى جىلدارمەن تىكەلەي سالىستىرما بەرىلمەگەنىمەن، سىبايلاس جەمقورلىق قۇرىلىمى وزگەرمەگەنى بايقالادى.
2025 جىلى دا:
-
پارا الۋ/بەرۋ – ەڭ كەڭ تارالعان قۇقىقبۇزۋشىلىق؛
-
قىزمەتتىك وكىلەتتىكتەردى تەرىس پايدالانۋ فاكتىلەرى جوعارى؛
-
مەملەكەتتىك اپپاراتتىڭ بارلىق دەڭگەيىندە جەمقورلىق انىقتالعان.
بۇل تەندەنسيالار سوڭعى جىلدارداعى جاعدايدىڭ ساقتالىپ وتىرعانىن كورسەتەدى.
2025 جىلعى رەسمي دەرەكتەر قازاقستاندا سىبايلاس جەمقورلىقتىڭ ءالى دە جۇيەلى سيپاتقا يە ەكەنىن كورسەتىپ وتىر. قىلمىستاردىڭ ەداۋىر بولىگى باسقارۋشىلىق شەشىمدەر قابىلداناتىن سالالاردا، سونداي-اق ازاماتتارمەن تىكەلەي قارىم-قاتىناس جاسايتىن مەملەكەتتىك قۇرىلىمداردا تىركەلگەن.
پارا الۋ مەن پارا بەرۋ قىلمىستارىنىڭ جوعارى بولۋى مەملەكەتتىك سەكتورداعى اشىقتىق پەن جاۋاپكەرشىلىك ماسەلەلەرى ءالى دە تولىق شەشىلمەگەنىن اڭعارتادى. مەملەكەتتىك قىزمەتتە جۇمىس ىستەيتىن تۇلعالاردىڭ 100-دەن استامىنىڭ قىلمىستىق جاۋاپكەرشىلىككە تارتىلۋى – جۇيەلى رەفورما قاجەتتىگىن راستايتىن كورسەتكىش.