قازاقستاندىقتار الەۋمەتتىك جەلىلەردەگى الاياقتىق تۋرالى ۇنەمى شاعىمدانادى. جاساندى ينتەللەكت جانە سيفرلىق دامۋ مينيسترلىگى تەلەفون الاياقتارىنىڭ ارەكەتتەرىنەن قورعاۋدى كۇشەيتۋ بويىنشا قابىلدانىپ جاتقان شارالار تۋرالى حابارلادى، - دەپ aqshamnews.kz حابارلايدى ءتىلشىسى.
ۆەدومستۆو مالىمەتىنشە، بۇعان دەيىن ءبىرقاتار مەملەكەتتىك اقپاراتتىق رەسۋرستار مەن سەرۆيستەرگە كىرۋ ءبىر رەتتىك كود ارقىلى عانا جۇرگىزىلدى.
"سالدارىنان الاياقتار ايلاسىن اسىردى، "جابىرلەنۋشىنىڭ" تەلەفون ءنومىرىن ەنگىزىپ، 1414 ءنومىرى ارقىلى SMS-حابارلاما جىبەرىپ وتىردى. وسىعان بايلانىستى اقپاراتتىق جۇيەلەردىڭ يەلەرىنە 1414 نومىرىنەن SMS جىبەرۋ تەتىگىن قولدانۋ ءۇشىن قولجەتىمدىلىك تالاپتارىن كۇشەيتۋ تاپسىرىلدى"، - دەلىنگەن حابارلامادا.
ەندى 1414 SMSء-شليۋزىن پايدالاناتىن اقپاراتتىق جۇيەلەرگە كىرۋ قوسىمشا قورعالادى جانە تەك بيومەتريالىق اۋتەنتيفيكاسيا (FaceID)، ەلەكتروندىق سيفرلىق قولتاڭبا (ەسق) نەمەسە ارنايى QR-كود (eGov QR) ارقىلى عانا مۇمكىن بولادى.
"بيىلعى جەلتوقساننان باستاپ جوعارىدا كورسەتىلگەن مىندەتتى تالاپتاردى ەنگىزبەگەن اقپاراتتىق جۇيەلەر 1414 SMSء-شليۋزىن پايدالانۋ قىزمەتىنەن اجىراتىلادى".
بۇل رەتتە ازاماتتاردىڭ سيفرلىق ساۋاتتىلىعىن ارتتىرۋ ماقساتىندا eGov Mobile ءموبيلدى قوسىمشاسىندا كۇدىك تۋعىزاتىن ارەكەتتەردى انىقتاۋ، كيبەرگيگيەنا تالاپتارىن ساقتاۋ جانە سيفرلىق سەرۆيستەردى ءقاۋىپسىز پايدالانۋ جونىندەگى ۇسىنىستارى بار اقپاراتتىق باننەرلەر ورنالاستىرىلعان.